ຫວຽດນາມປະກອບສ່ວນຊຸກຍູ້ການຮ່ວມມືປ້ອງກັນຊາດໃນພາກພື້ນອາຊຽນ ຢ່າງຕັ້ງໜ້າ
ພົນໂທ ຫງວຽນຈິ໋ວິ້ງ
(ພາບປະກອບ)
(vovworld) - ໃນລະຫວ່າງວັນທີ 01 – 03/04, ຢູ່ ບຣຸໄນ, ໄດ້ດຳເນີນກອງປະຊຸມເຈົ້າໜ້າທີ່ປ້ອງກັນຊາດຂັ້ນສູງຂອງບັນດາປະເທດອາຊຽນ (ADSOM), ກອງປະຊຸມແມ່ນບາດກ້າວກະກ່ຽມທີ່ສຳຄັນໃຫ້ແກ່ກອງປະຊຸມລັດຖະມົນຕີປ້ອງກັນປະເທດບັນດາປະເທດອາຊຽນ (ADMM) ຄັ້ງທີ 7 ແລະ ກອງປະຊຸມລັດຖະມົນຕີປ້ອງກັນປະເທດ ບັນດາປະເທດອາຊຽນເປີດກວ້າງ (ADMM+) ຄັ້ງທີ 2. ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີກະຊວງປ້ອງກັນປະເທດ, ພົນໂທ ຫງວຽນຈິ໋ວິ້ງ ນຳໜ້າເຂົ້າຮ່ວມກອງປະຊຸມ. ນະທີ່ນີ້, ຄະນະຜູ້ແທນຫວຽດນາມ ໄດ້ຍົກອອກຂ້ໍລິເລີ່ມກ່ຽວກັບການສ້າງຕັ້ງກຸ່ມຜູ້ຊ່ຽວຊານແກ້ໄຂຜົນຮ້າຍຢ້ອນຫລັງຈາກລູກລະເບີດຍັງບໍ່ທັນແຕກພາຍຫລັງສົງຄາມໃນຂອບເຂດກອງປະຊຸມ ADMM+. ນີ້ແມ່ນຂໍ້ລິເລີ່ມບໍ່ພຽງແຕ່ປະກອບສ່ວນຊ່ວຍໃຫ້ປະຊາຊົນຫວຽດນາມເທົ່ານັ້ນ ຫາກຍັງຊ່ວຍໃຫ້ປະຊາຊົນຫຼາຍປະເທດໃນພາກພື້ນແກ້ໄຂຜົນຮ້າຍຢ້ອນຫລັງຈາກລະເບີດໝາກມິ່ນ, ວັດຖຸລະເບີດທີ່ຍັງຕົກຄ້າງອີກດ້ວຍ, ພ້ອມທັງປະກອບສ່ວນຢ່າງຕັ້ງໜ້າເພື່ອສັນຕິພາບ, ສະຖຽນລະພາບ ແລະ ການພັດທະນາລວມຂອງພາກພື້ນ. ຜູ້ແທນຫຼາຍປະເທດລ້ວນແຕ່ຕີລາຄາສູງຂໍ້ລິເລີ່ມຂອງຫວຽດນາມ ແລະ ຖືວ່າ ນີ້ແມ່ນຂໍ້ລິເລີ່ມທີ່ເປັນກຳລັງໜູນປະກອບສ່ວນຊຸກຍູ້ການຮ່ວມມືໃນຂອບເຂດກອງປະຊຸມ ADMM+, ນຳມາເຊິ່ງຜົນປະໂຫຍດຢ່າງແທດຈິ່ງໃຫ້ແກ່ປະຊາຊົນຢູ່ໃນພາກພື້ນ.