ຫົວໜ້າກົມວຽກງານບັນດາອົງການຈັດຕັ້ງສາກົນຂອງກະຊວງການຕ່າງປະເທດ ຫວຽດນາມ ຮ່ວາງຈີ໋ຈູງ
(vovworld) – ເມື່ອຕອບສຳພາດຕໍ່ນັກຂ່າວເນື່ອງໃນໂອກາດທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ ເຂົ້າຮ່ວມກອງປະຊຸມຂັ້ນສູງຄັ້ງທີ 25 ຂອງສະພາສິດທິມະນຸດ ສປຊ, ຫົວໜ້າກົມວຽກງານບັນດາອົງການຈັດຕັ້ງສາກົນຂອງກະຊວງການຕ່າງປະເທດ ຫວຽດນາມ ຮ່ວາງຈີ໋ຈູງ ໃຫ້ຮູ້ວ່າ: ນີ້ແມ່ນກອງປະຊຸມຄັ້ງທຳອິດທີ່ ຫວຽດນາມ ເຂົ້າຮ່ວມດ້ວຍຖານະເປັນສະມາຊິກສະພາສິດທິມະນຸດ.
ດ້ວຍຄວາມລໍຄອຍຂອງສາກົນ ແລະ ເລີ່ມມາຈາກບັນດາແຜນນະໂຍບາຍເຊື່ອມໂຍງເຂົ້າກັບການເຄື່ອນໄຫວສາກົນຢ່າງຕັ້ງໜ້າ, ຫວຽດນາມ ໄດ້ໃຫ້ຄຳໝັ້ນສັນຍາຈະແມ່ນສະມາຊິກຕັ້ງໜ້າ, ມີຄວາມຮັບຜິດຊອບ, ປະກອບສ່ວນຢ່າງແທດຈິງເຂົ້າໃນວຽກງານລວມຂອງສະພາ. ຫວຽດນາມ ກໍ່ຈະສົມທົບຢ່າງແໜ້ນແຟ້ນກັບບັນດາປະເທດສະມາຊິກ ແລະ ຜູ້ສັງເກດການບັນດາບັນຫາທີ່ຕ່າງຝ່າຍຕ່າງມີຄວາມສົນໃຈກ່ຽວກັບສິດທິມະນຸດ. ຫວຽດນາມ ຈະສະເໜີໃຫ້ສະພາສິດທິມະນຸດເອົາໃຈໃສ່, ຊຸກຍູ້ການຮັບປະກັນບັນດາສິດເສດຖະກິດ, ສັງຄົມ, ສິດຂອງບັນດາກຸ່ມທີ່ຖືກຜົນສະທ້ອນຈາກບັນຫາປ່ຽນແປງຂອງດິນຟ້າອາກາດຢ່າງງ່າຍດາຍ...
ນີ້ແມ່ນບັນດາການກຳນົດທິດ ແລະ ບຸລິມະສິດໃຫຍ່ເຊິ່ງ ຫວຽດນາມ ຈະຜັນຂະຫຍາຍ, ໃນນັ້ນມີຫຼາຍບັນຫາທີ່ສະພາສິດທິມະນຸດໄດ້ສຸມໃສ່ປຶກສາຫາລືທີ່ກອງປະຊຸມຄັ້ງທີ 25, ນັ້ນແມ່ນຕ້ານຄວາມທຸກຍາກອຶດຫິວ, ຫລຸດຜ່ອນຜົນທະທົບຈາກການກູ້ຢືມທຶນຂອງຕ່າງປະເທດສຳລັບເລື່ອງປະຕິບັດບັນຫາສິດທິມະນຸດ, ປ້ອງກັນ, ຕ້ານການໃຊ້ຄວາມຮຸນແຮງ, ຄ້າຂາຍເດັກ...