ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ
ຕ້ອນຮັບທ່ານ Abdullah Kafi, ປະທານສະຫະສະມາຄົມ ກອມພິວເຕີ ສາກົນ
ພາກພື້ນອາຊີ-ປາຊີຟີກ(photo:vov)
(vovworld)- ຕອນບ່າຍວັນທີ 29/10, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ໄດ້ຕ້ອນຮັບສະຫະສະມາຄົມ ກອມພິວເຕີ ສາກົນ ພາກພື້ນອາຊີ-ປາຊີຟີກ(ASOCIO) ແລະ ການນຳວິສາຫະກິດເຕັກໂນໂລຊີຂໍ້ມູນຂ່າວສານໃຫຍ່ຈຳນວນຫນຶ່ງໃນພາກພື້ນ ໂດຍທ່ານ Abdullah Kafi, ປະທານສະຫະສະມາຄົມດັ່ງກ່າວນຳຫນ້າ. ທ່ານນາຍົກລັດຖະມົນຕີ ຫງວຽນເຕີນຢູງ ໃຫ້ຮູ້ວ່າ: ລັດຖະບານຫວຽດນາມ ຖືເຕັກໂນໂລຊີຂໍ້ມູນຂ່າວສານແມ່ນຮູບການພັດທະນາໃຫມ່ ເພື່ອຍົກສູງສະມັດຕະພາບແຮງງານ, ປະສິດທິຜົນຂອງວຽກງານ ແລະ ປະກອບສ່ວນຍົກສູງກຳລັງຄວາມສາມາດແກ້ງແຍ້ງຂອງພື້ນຖານເສດຖະກິດ,ຂອງຊາດ. ທ່ານ Abdullah Kafi ໃຫ້ຮູ້ວ່າ: ຫວຽດນາມ ມີບັນດາບາດກ້າວພັດທະນາຢ່າງແຮງ, ບຸກທະລຸໃນຂົງເຂດເຕັກໂນໂລຊີຂໍ້ມູນຂ່າວສານ ແລະ ແມ່ນແບບຢ່າງໃນພາກພື້ນກ່ຽວກັບການພັດທະນາຂົງເຂດນີ້. ASOCIO ປາດຖະຫນາຢາກຮ່ວມມືກັບຫວຽດນາມ ໃນຂົງເຂດນີ້ ແລະບັນດາວິສາຫະກິດຊັ້ນນຳກ່ຽວກັບເຕັກໂນໂລຊີຂໍ້ມູນຂ່າວສານຂຶ້ນກັບສະຫະສະມາຄົມ ພ້ອມແລ້ວ ເຂົ້າຮ່ວມຕະຫລາດເຕັກໂນໂລຊີຂໍ້ມູນຂ່າວສານຂອງຫວຽດນາມ.