ເວທີປາໄສຄູ່ຮ່ວມມືພັດທະນາຫວຽດນາມ
photo:dantri.com
|
(vovworld)- ສ້າງການພົວພັນຄູ່ຮ່ວມມືໃຫມ່: ມຸ່ງໄປເຖິງການແກ້ງແຍ້ງ, ການເຕີບໂຕຮອບດ້ານ ແລະ ຍືນຍົງ” ແມ່ນຫົວຂໍ້ຂອງເວທີປາໄສຄູ່ຮ່ວມມືພັດທະນາຫວຽດນາມ(VDPF) 2013 ຊື່ງດຳເນີນໄປໃນວັນທີ 5/12 ຢູ່ ຮ່າໂນ້ຍ. ຜູ້ແທນເກືອບ 300 ທ່ານເຂົ້າຮ່ວມເວທີປາໄສ ໄດ້ສຸມໃສ່ປຶກສາຫາລື 4 ຫົວເລື່ອງຕົ້ນຕໍຄື: ຫລຸດຜ່ອນຄວາມທຸກຍາກ ແລະ ຫລຸດຜ່ອນຄວາມທຸກຍາກໃຫ້ແກ່ເຂດຊົນເຜົ່າສ່ວນຫນ້ອຍ; ຊຸກຍູ້ການເຂົ້າຮ່ວມຂອງພາກເອກະຊົນເຂົ້າໃນການສະຫນອງບັນດາບໍລິການນຳ້ສະອາດ ແລະ ອະນາໄມ; ເພີ່ມທະວີປະສິດທິຜົນຂອງລະບົບຄຸ້ມຄອງສິ່ງແວດລ້ອມ ແລະ ຍົກສູງລັກສະນະແກ້ງແຍ້ງ.
ທີ່ພິທີໄຂ, ທ່ານນາຍົກລັດຖະມົນຕີ ຫງວຽນເຕີນຢູງໄດ້ແນະນຳໂດຍສັງເຂບກ່ຽວກັບສະພາບການພັດທະນາເສດຖະກິດສັງຄົມຂອງຫວຽດນາມ ໃນ 3 ປີຜ່ານມາ ແລະ ຈຸດໝາຍ, ການກຳນົດທິດກ່ຽວກັບການພັດທະນາໃນ 2 ປີຈະມາເຖິງ. ທ່ານນາຍົກລັດຖະມົນຕີ ຫງວຽນເຕີນຢູງ ຊີ້ແຈ້ງວ່າ:
“ຫວຽດນາມ ພວມຕັ້ງຫນ້າເຈລະຈາສັນຍາເຂດປາຊີຟີກ(TPP), ສັນຍາການຄ້າເສລີ(FTA) ກັບອີຢູ ແລະ ພັນທະມີດພາສີ ກັບລັດເຊຍ, ເບລາຣຸດ ແລະ ກາຊັກສະຖານ ພ້ອມກັບບັນດາສັນຍາການຄ້າເສລີສອງຝ່າຍອື່ນອີກ. ນີ້ແມ່ນຄວາມຕັດສິນໃຈສ້າງເສດຖະກິດການຕະຫລາດຂອງຫວຽດນາມຢ່າງສົມບູນແບບ ແລະ ເຊື່ອມໂຍງເຂົ້າກັບເສດຖະກິກໂລກຢ່າງເລິກເຊິ່ງ ກວ້າງຂວາງ. ນີ້ແມ່ນພື້ນຖານສຳຄັນເພ່ືອໃຫ້ຫວຽດນາມ ປະຕິບັດບາດກ້າວບຸກທະລຸກ່ຽວກັບການສ້າງລະບອບເສດຖະກິດການຕະຫລາດ, ສ້າງສະພາບແວດລ້ອມພັດທະນາແຫ່ງຊາດຢ່າງມີປະສິດທິຜົນກວ່າ.”
ທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນເຕີນຢູງ ພ້ອມດ້ວຍລັດຖະມົນຕີບາງທ່ານ ໄດ້ພົບປະສົນທະນາກັບບັນດາຄູ່ຮ່ວມມືພັດທະນາກ່ຽວກັບບັນດາບັນຫາຊື່ງເຂົາເຈົ້າມີຄວາມສົນໃຈ. ກ່າວຄຳເຫັນສະຫລຸບເວທີປາໄສ, ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນວ່າ:
“ເພື່ອປະຕິບັດບັນດາຈຸດໝາຍຫນ້າທີ່ວາງອອກ, ຫວຽດນາມ ຈະມານະພະຍາຍາມ, ສູ້ຊົນດ້ວຍກຳລັງແຮງພາຍໃນຂອງຕົນ. ຫວຽດນາມ ປາດຖະຫນາຢາກບັນດາຄູ່ຮ່ວມມືພັດທະນາ, ບັນດານັກອຸປະຖຳສືບຕໍ່ສະຫນັບສະຫນູນ, ຊ່ວຍເຫລືອຫວຽດນາມ ນັບທັງໃຫ້ຄຳປຶກສານະໂຍບາຍ, ການຫນູນຊ່ວຍເຕັກນິກ, ແຫລ່ງກຳລັງ… ເພື່ອຊ່ວຍຫວຽດນາມຮັກສາບັນດາຜົນງານທີ່ບັນລຸໄດ້ໃນຊຸມປີຜ່ານມາ ພ້ອມທັງສືບຕໍ່ພັດທະນາແບບຍືນຍົງ.”