(vovworld)- ກ່າວຄຳເຫັນທີ່ການຕ້ອນຮັບ ເອກອັກຄະລັດຖະທູດ Brazil ປະຈຳ ຫວຽດນາມ, ທ່ານນາງ Vitoria Alice Cleaver ເຂົ້າຢ້ຽມຄຳນັບເນື່ອງໃນໂອກາດສິ້ນສຸດອາຍຸການປະຕິບັດງານຂອງຕົນຢູ່ ຫວຽດນາມ, ຕອນບ່າຍ ວັນທີ 14/08, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ທ່ານ ຟ້າມບີ່ງມີງ ຢັ້ງຢືນວ່າ ຍາມໃດ ຫວຽດນາມ ກໍ່ຖືເປັນສຳຄັນ ແລະ ປາດຖະໜາຢາກນຳການພົວພັນກັບ Brazil ເຂົ້າສູ່ລວງເລິກ, ຜ່ານການຊຸກຍູ້ແລກປ່ຽນຄະນະຜູ້ແທນທຸກຂັ້ນ, ເຈລະຈາລົງນາມໃນບັນດາເອກະສານການຮ່ວມມື, ເສີມຂະຫຍາຍບັນດາກົນໄກຮ່ວມມື 2 ຝ່າຍຢ່າງມີປະສິດທິຜົນ, ສືບຕໍ່ສົມທົບກັນຢູ່ບັນດາເວທີປາໄສຫຼາຍຝ່າຍ ຢ່າງແໜ້ນແຟ້ນ.
ທ່ານນາງເອກອັກຄະລັດຖະທູດ Vitoria Alice Cleaver ສະແດງຄວາມພາກພູມໃຈຕໍ່ໜ້າການພັດທະນາຂອງການພົວພັນ ລະຫວ່າງ 2 ປະເທດໃນໄລຍະຜ່ານມາ, ພິເສດແມ່ນການນຳວົງເງິນການຄ້າ 2 ຝ່າຍ ບັນລຸໄດ້ 2,3 ຕື້ USD ໃນປີ 2013 ແລະ ຄາດວ່າຈະສືບຕໍ່ເພີ່ມຂຶ້ນແຮງໃນປີ 2014. ທ່ານເອກອັກຄະລັດຖະທູດ Brazil ຂອບໃຈຕໍ່ການເອົາໃຈໃສ່ ແລະ ໜູນຊ່ວຍ ຂອງລັດຖະບານ ແລະ ກະຊວງການຕ່າງປະເທດ ຫວຽດນາມ ສຳລັບສະຖານທູດ Brazil, ສະແດງຄວາມປາດຖະໜາວ່າໃນນາມສ່ວນຕົວຈະສືບຕໍ່ປະກອບສ່ວນເຂົ້າໃນການພັດທະນາການພົວພັນມິດຕະພາບ ແລະ ຮ່ວມມື ລະຫວ່າງ Brazil ແລະ ຫວຽດນາມ.