ຫວຽດນາມປາດຖະໜາຢາກຊຸກຍູ້ການຮ່ວມມືກັບ ຄູເວດ ໃນຂົງເຂດນ້ຳມັນອາຍແກດ
ທ່ານນາຍົກລັດຖະມົນຕີ ຫງວຽນເຕີນຢຸງ
ຕ້ອນຮັບທ່ານຮອງນາຍົກລັດຖະມົນຕີ ກູເວດ H.E. Mustafa Al – Shemali
(ພາບ: chinhphu.vn)
(vovworld) – ກ່າວຄຳເຫັນທີ່ການຕ້ອນຮັບທ່ານຮອງນາຍົກລັດຖະມົນຕີ, ທັງເປັນລັດຖະມົນຕີກະຊວງນ້ຳມັນບໍ່ແຮ່ແຫ່ງລັດ ຄູເວດ H.E. Mustafa Al – Shemali ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ ແລະ ເຂົ້າຮ່ວມພິທີລົງມືກໍ່ສ້າງກຸ່ມບໍລິສັດກັ່ນນ້ຳມັນ ງີເຊີນ, ທ່ານນາຍົກລັດຖະມົນຕີ ຫງວຽນເຕີນຢຸງ ນັ້ນໜັກວ່າ ຍາມໃດຫວຽດນາມ ກໍ່ຖື ຄູເວດ ແມ່ນໜຶ່ງໃນບັນດາຄູ່ຮ່ວມມືສຳຄັນດ້ານເສດຖະກິດ ແລະ ປາດຖະໜາວ່າ ຈະຊຸກຍູ້ການພົວພັນນີ້ໃຫ້ຫຼາຍກວ່າອີກ. ໂດຍສະເພາະແມ່ນໃນຂົງເຂດນ້ຳມັນອາຍແກດ. ທ່ານນາຍົກລັດຖະມົນຕີ ຫງວຽນເຕີນຢຸງ ປາດຖະໜາວ່າ ລັດ ຄູເວດ ຈະສືບຕໍ່ໜູນຊ່ວຍແຫຼ່ງທຶນກູ້ຍື່ມຜ່ານກອງທຶນພັດທະນາຄູເວດ ໃຫ້ແກ່ຫວຽດນາມ, ບຳລຸງສ້າງແຫຼ່ງຊັບພະຍາກອນມະນຸດໃຫ້ຂະແໜງນ້ຳມັນອາຍແກດຫວຽດນາມ, ພິຈາລະນາຮັບຄົນງານຫວຽດນາມ ມາເຮັດວຽກຢູ່ຄູເວດ... ທ່ານນາຍົກລັດຖະມົນຕີ ຫງວຽນເຕີນຢຸງ ສະເໜີໃຫ້ລັດຖະບານຄູເວດ ສືບຕໍ່ຊີ້ນຳໜູນຊ່ວຍໃຫ້ບໍລິສັດຮ່ວມທຸລະກິດກັ່ນນ້ຳມັນອາຍແກດ ງີເຊີນ ຜັນຂະຫຍາຍການກໍ່ສ້າງຖືກຕາມແຜນການທີ່ໄດ້ວາງອອກເພື່ອນຳເຂົ້າເຄື່ອນໄຫວໂດຍໄວ, ປະກອບສ່ວນເຂົ້າໃນການພັດທະນາຂອງແຕ່ລະປະເທດ ແລະ ນຳ້ໃຈມິດຕະພາບລະຫວ່າງຫວຽດນາມ - ຄູເວດ.
ສ່ວນທ່ານລັດຖະມົນຕີ H.E. Mustafa Al – Shemali ປາດຖະໜາຢາກຊຸກຍູ້ການຮ່ວມມືກັບຫວຽດນາມ ໃນຂົງເຂດພະລັງງານ, ອຸດສາຫະກຳ, ນ້ຳມັນອາຍແກດຢ່າງແຮງ... ພ້ອມທັງຢືນຢັນຈະສ້າງເງື່ອນໄຂໃຫ້ບັນດາວິສາຫະກິດຫວຽດນາມ ມາລົງທຶນຢູ່ຄູເວດ ແລະ ພ້ອມແລ້ວທີ່ຈະໜູນຊ່ວຍຫວຽດນາມ ໃນການບຳລຸງສ້າງແຫຼ່ງຊັບພະຍາກອນມະນຸດຂອງຂະແໜງນ້ຳມັນອາຍແກດ.