ທ່ານ Vakulchik Valery Pavlovich ແລະ ທ່ານ ເຈິ່ນດ້າຍກວາງ
|
(vovworld) - ຕອນບ່າຍວັນທີ 21/10, ຢູ່ ຮ່າໂນ້ຍ, ເມື່ອຕ້ອນຮັບປະທານຄະນະກຳມະການປ້ອງກັນຄວາມສະຫງົບ ສ.ເບລາຣູດ Vakulchik Valery Pavlovich ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານປະທານປະເທດ ເຈິ່ນດ້າຍກວາງ ຢືນຢັນວ່າ, ຫວຽດນາມຕັດສິນໃຈປັບປຸງ ແລະ ພັດທະນາຢ່າງຮອບດ້ານ ເພື່ອແນໃສ່ສ້າງການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ເບລາຣູດ. ຫວຽດນາມຈະຜັນຂະຫຍາຍສັນຍາການຄ້າເສລີລະຫວ່າງ ຫວຽດນາມ ແລະ ພັນທະມິດເສດຖະກິດ ອາຊີ - ເອີລົບ ຢ່າງຕັ້ງໜ້າ ແລະ ມີປະສິດທິຜົນ ແລະ ຈະໜູນຊ່ວຍບັນດາສະມາຊິກໃນພັນທະມິດເສດຖະກິດ ອາຊີ - ເອີລົບ, ໃນນັ້ນມີ ເບລາຣູດ ເປີດກວ້າງການພົວພັນ ແລະ ສຳຜັດກັບຕະຫຼາດ ອາຊຽນ. ທ່ານປະທານປະເທດ ເຈິ່ນດ້າຍກວາງ ປາຖະໜາວ່າ ເບລາຣູດ ຈະໜູນຊ່ວຍ ຫວຽດນາມເປີດກວ້າງການພົວພັນກັບບັນດາປະເທດໃນພາກພື້ນເອີລົບຕາເວັນອອກ.
ສ່ວນທ່ານ Vakulchik Valery Pavlovich ກໍ່ປາຖະໜາວ່າ, ໃນໄລຍະຈະມາເຖິງ, ຈະສືບຕໍ່ໄດ້ຮັບການສະໜັບສະໜູນຈາກ ທ່ານປະທານປະເທດ ເຈິ່ນດ້າຍກວາງ ເພື່ອແນໃສ່ນຳການພົວພັນລະຫວ່າງສອງປະເທດເວົ້າລວມ ແລະ ສອງອົງການປ້ອງກັນຄວາມສະຫງົບແຫ່ງຊາດສອງປະເທດເວົ້າສະເພາະໃຫ້ນັບມື້ນັບໄດ້ຮັບການພັດທະນາ.