ທ່ານ ດັ້ງມິງຄອຍ ຮອງລັດຖະມົນຕີກະຊວງການຕ່າງປະເທດຫວຽດນາມ (ພາບ: TTXVN)

ກ່າວຄຳເຫັນທີ່ກອງປະຊຸມ, ທ່ານ ດັ້ງມິງຄອຍ ໄດ້ຢັ້ງຢືນວ່າ ຫວຽດນາມ ສະໜັບສະໜູນວິທີການແກ້ໄຂຂອງສອງປະເທດກ່ຽວກັບການສ້າງລັດ ປາແລັດສະຕິນ ທີ່ມີນະຄອນຫຼວງ ຢູ່ ພາກຕາເວັນອອກ Jerusalem   ຄົງຕົວໃນສັນຕິພາບໄປພ້ອມກັບລັດອິດສະລາແອັນ, ໂດຍອີງໃສ່ເສັ້ນທາງຊາຍແດນທີ່ໄດ້ຮັບຮອງກ່ອນປີ 1967 ກໍ່ຄືບັນດາມະຕິທີ່ກ່ຽວຂ້ອງຂອງສະຫະປະຊາຊາດຕໍ່ບັນຫາດັ່ງກ່າວ. ທ່ານ ດັ້ງມິງຄອຍ ໄດ້ຮຽກຮ້ອງໃຫ້ບັນດາຝ່າຍເຂົ້າຮ່ວມການໂອ້ລົມສົນທະນາ ແລະ ເຈລະຈາ, ສືບຕໍ່ມານະພະຍາຍາມຊອກຫາ ວິທີການແກ້ໄຂຢ່າງຮອບດ້ານ, ຍຸຕິທຳ, ນຳມາເຊິ່ງສັນຕິພາບແບບຍືນຍົງ ແລະ ຍາວນານເພື່ອແກ້ໄຂການປະທະກັນລະຫວ່າງ ອິດສະລາແອັນ ແລະ ປາແລັດສະຕິນ. ຫວຽດນາມ ສະແດງຄວາມຊົມເຊີຍຕໍ່ທຸກໆຄວາມມານະພະຍາຍາມເພື່ອແນໃສ່ເລີ່ມຕົ້ນວິວັດທະນາການສ້າງສັນຕິພາບຢູ່ ຕາເວັນອອກກາງ ແລະ ພ້ອມແລ້ວທີ່ຈະປະກອບສ່ວນຢ່າງຕັ້ງໜ້າເຂົ້າໃນວຽກງານຊຸກຍູ້ການໂອ້ລົມສົນທະນາ, ເຈລະຈາລະຫວ່າງ ອິດສະລາແອັນ ແລະ ປາແລັດສະຕິນ.