ທ່ານນາຍົກລັດຖະມົນຕີ ຫວຽດນາມ ຫງວຽນເຕີ໋ນຢຸງ ເຂົ້າຮ່ວມ
ພິທີສະເຫຼີມສະຫຼອງ 70 ປີແຫ່ງວັນສ້າງຕັ້ງສະຫະປະຊາຊາດ
(ພາບ: VGP/NhatBac)
(vovworld) – ຕອນບ່າຍວັນທີ 27/10, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ໋ນຢຸງ ໄດ້ເຂົ້າຮ່ວມພິທີສະເຫຼີມສະຫຼອງ 70 ປີແຫ່ງວັນສ້າງຕັ້ງສະຫະປະຊາຊາດ (24/10/1945 – 24/10/2015). ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນເຕີ໋ນຢຸງ ຢືນຢັນວ່າ: ນັບແຕ່ເມື່ອເຂົ້າຮ່ວມ ສປຊ ໃນປີ 1977 ຢ່າງເປັນທາງການ, ຫວຽດນາມ ຍາມໃດກໍຖືເປັນສຳຄັນບົດບາດ ແລະ ຕີລາຄາສູງການໜູນຊ່ວຍ, ຮ່ວມມືທີ່ມີປະສິດທິຜົນຂອງ ສປຊ ສຳລັບພາລະກິດປົກປັກຮັກສາ, ກໍ່ສ້າງ ແລະ ພັດທະນາປະເທດຊາດ. ຫວຽດນາມ ບືນຕົວຂຶ້ນເພື່ອກາຍເປັນປະເທດພວມພັດທະນາມີລາຍຮັບປານກາງ ແລະ ສຳເລັດເປົ້າໝາຍພັດທະນາສະຫັດສະວັດກ່ອນກຳນົດເວລາ. ທ່ານນາຍົກລັດຖະມົນຕີ ຫງວຽນເຕີ໋ນຢຸງ ເນັ້ນໜັກວ່າ:
“ຫວຽດນາມ ເປັນສະມາຊິກທີ່ຮັບຄວາມໄວ້ເນື້ອເຊື່ອໃຈ, ມີຄວາມຮັບຜິດຊອບ, ຫວຽດນາມ ຍາມໃດກໍເປັນເຈົ້າການ ແລະ ມີການປະກອບສ່ວນແທດຈິງຫລາຍຢ່າງ ເຂົ້າໃນບັນດາການເຄື່ອນໄຫວຂອງ ສປຊ ດ້ວຍການເຂົ້າຮ່ວມນັບມື້ນັບເລິກເຊິ່ງ, ກ້ວາງຂວາງ, ມີປະສິດທິຜົນກ່ວາໃນຫລາຍຂົງເຂດ. ຫວຽດນາມ ໄດ້ຮັບຄວາມໄວ້ວາງໃຈຈາກບັນດາປະເທດສະມາຊິກ ແລະ ໄດ້ຮັບເລືອກຕັ້ງເຂົ້າເປັນສະມາຊິກບັນດາອົງການຈັດຕັ້ງສຳຄັນຂອງ ສປຊ ສະແດງໃຫ້ເຫັນ ທີ່ຕັ້ງ, ອິດທິພົນຊື່ສຽງສາກົນນັບມື້ນັບຂຶ້ນສູງຂອງ ຫວຽດນາມ - ເປັນປະເທດພວມພັດທະນາຂະຫຍັນຂັນເຄື່ອນ, ເປັນເຈົ້າການເຊື່ອມໂຍງເຂົ້າກັບສາກົນ, ປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິກຊອບແກ້ໄຂບັນດາສິ່ງທ້າທາຍຂອງປະຊາຄົມໂລກ, ເພື່ອສັນຕິພາບ, ສະຖຽນລະພາບ, ວັດທະນາຖາວອນ ແລະ ພັດທະນາຢູ່ພາກພື້ນກໍຄືໃນໂລກ”
ທ່ານນາຍົກລັດຖະມົນຕີ ຫງວຽນເຕີ໋ນຢຸງ ເຊື່ອໝັ້ນວ່າ: ການພົວພັນ ຫວຽດນາມ - ສປຊ ຈະສືບຕໍ່ເພີ່ມທະວີ ບໍ່ພຽງແຕ່ໃນຂົງເຂດການຮ່ວມມືພັດທະນາເທົ່ານັ້ນ ຫາກຍັງໃນທຸກບັນຫາປົກປັກຮັກສາສັນຕິພາບ, ແກ້ໄຂການປະທະກັນ, ຮັບປະກັນຄວາມສະຫງົບ, ບັນດາບັນຫາທົ່ວໂລກຄື ລົບລ້າງຄວາມອຶດຫິວ ຫລຸດຜ່ອນຄວາມທຸກຍາກ. ທ່ານນາຍົກລັດຖະມົນຕີ ຫງວຽນເຕີ໋ນຢຸງ ເນັ້ນໜັກວ່າ: ພ້ອມກັບການຍູ້ແຮງການພັດທະນາເສດຖະກິດ, ຫວຽດນາມ ຍາມໃດກໍເອົາໃຈໃສ່ ພັດທະນາວັດທະນະທຳ, ຮັບປະກັນຄວາມກ້າວໜ້າ, ຍຸຕິທຳທາງສັງຄົມ, ຮັບປະກັນສິດປະຊາທິປະໄຕ, ສິດເສລີຂອງປະຊາຊົນ. ດ້ວຍຄວາມມານະພະຍາຍາມຂອງຕົນ ພ້ອມກັບການຮ່ວມມືຢ່າງມີປະສິດທິຜົນຂອງ ສປຊ, ບັນດາຄູ່ຮ່ວມມືພັດທະນາ, ຫວຽດນາມ ຈະປະຕິບັດເປົ້າໝາຍພັດທະນາແບບຍືນຍົງ ແລະ ໂຄງການດຳເນີນງານຮອດປີ 2030 ຂອງ ສະຫະປະຊາຊາດໃຫ້ສຳເລັດຜົນ.