ຫວຽດນາມພ້ອມແລ້ວແບ່ງປັນບົດຮຽນການພັດທະນາໂທລະຄົມມະນາຄົມກັບAngola
ທ່ານຮອງນາຍົກລັດຖະມົນຕີ ຫວູດືກດາມ ຕ້ອນຮັບ
ລັດຖະມົນຕີກະຊວງໂທລະຄົມມະນາຄົມ ແລະເຕັກໂນໂລຊີຂໍ້ມູນຂ່າວສານ Angola
(ພາບ: VGP)
(vovworld)- ທີ່ການຕ້ອນຮັບທ່ານ Jose Carvalho da Rocha, ລັດຖະມົນຕີກະຊວງໂທລະຄົມມະນາຄົມ ແລະເຕັກໂນໂລຊີຂໍ້ມູນຂ່າວສານ Angola ດຳເນີນໃນຕອນບ່າຍວັນທີ 14/3 ຢູ່ ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວູດືກດາມ ໄດ້ຢືນຢັນວ່າ: ຫວຽດນາມ ພ້ອມແລ້ວ ແບ່ງປັນບົດຮຽນການພັດທະນາ ໂທລະຄົມມະນາຄົມ ກັບ Angola ກໍຄືແບ່ງປັນບົດຮຽນໃນການເປີດປະຕູຕະຫລາດ, ຊຸກຍູ້ການແກ່ງແຍ້ງ ແລະ ການພັດທະນາຢ່າງວ່ອງໄວ, ໝັ້ນຄົງຂອງຂະແຫນງ ໂທລະຄົມມະນາຄົມ ແລະ ເຕັກໂນໂລຊີຂໍ້ມູນຂ່າວສານ. ທ່ານຮອງນາຍົກລັດຖະມົນຕີ ປາດຫນາວ່າ ລັດຖະບານ Angola ສືບຕໍ່ສ້າງເງື່ອນໄຂສະດວກໃຫ້ແກ່ບັນດາວິສາຫະກິດຫວຽດນາມ ໃນການຜັນຂະຫຍາຍບັນດາໂຄງການລົງທຶນ, ດຳເນີນທຸລະກິດຢູ່ປະເທດນີ້. ສ່ວນທ່ານລັດຖະມົນຕີ Jose Carvalho da Rocha ຢືນຢັນ: ຍາມໃດກໍສະຫນັບສະຫນູນບັນດາການເຄື່ອນໄຫວລົງທຶນຂອງວິສາຫະກິດຫວຽດນາມ ເຂົ້າຕະຫລາດໂທລະຄົມມະນາຄົມ, ເຕັກໂນໂລຊີຂໍ້ມູນຂ່າວສານກໍຄືການບຳລຸງສ້າງແຫລ່ງຊັບພະຍາກອນມະນຸດຢູ່ Angola.