(ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ)

ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ໄດ້ສະແດງຄວາມວິຕົກກັງວົນກ່ຽວກັບສະພາບການ ການໃຊ້ຄວາມຮຸນແຮງຢູ່ເຂດຝັ່ງຕາເວັນຕົກແມ່ນ້ຳຈໍແດນຍັງສືບຕໍ່ເກີດຂຶ້ນ, ລວມທັງເຂດ ເຢຢູຊາແລມ ຕາເວັນອອກ, ໃນນັ້ນມີການນຳໃຊ້ກຳລັງອາວຸດເກີນຄວາມຈຳເປັນ ແລະ ສະພາບການຫົວຮຸນແຮງ, ການຈຳແນກເຊື້ອຊາດຜິວພັນ, ທ່ານເອກອັກຄະລັດຖະທູດຫວຽດນາມ ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງ ຈົ່ງເພີ່ມທະວີຄວາມມານະພະຍາຍາມເພື່ອນຳບັນດາຝ່າຍກັບຄືນສູ່ການເຈລະຈາ ມຸ່ງໄປເຖິງມາດຕະການແກ້ໄຂ 2 ລັດ, ລວມມີການສ້າງຕັ້ງລັດ ປາແລັດສະຕິນ ດ້ວຍນະຄອນຫຼວງແມ່ນ ເຢຢູຊາແລມ ຕາເວັນອອກ, ພ້ອມກັນຄົງຕົວໂດຍສັນຕິພ້ອມກັບລັດ ອິດສະຣາແອັນ, ມີເສັ້ນຊາຍແດນທີ່ປອດໄພ ແລະ ໄດ້ຮັບການຮັບຮອງເອົາຈາກປະຊາຄົມສາກົນ ບົນພື້ນຖານບັນດາເສັ້ນກຳນົດຊາຍແດນກ່ອນປີ 1967, ສອດຄ່ອງກັບກົດໝາຍສາກົນ ແລະ ບັນດາມະຕິທີ່ກ່ຽວຂ້ອງຂອງສະຫະປະຊາຊາດ.

        ກ່ຽວກັບບັນຫາມະນຸດສະທຳ, ທ່ານເອກອັກຄະລັດຖະທູດ ດັ້ງດິ່ງກຸຍ ໄດ້ຮຽກຮ້ອງໃຫ້ປະຊາຄົມສາກົນ ສະໜັບສະໜູນຄຳຮຽກຮ້ອງດັ່ງກ່າວຂອງສະຫະປະຊາຊາດ ແລະ ບັນດາການກະທຳຮັບມືຢ່າງຮີບດ່ວນຕ່າງໆ ໂດຍອົງການກູ້ຊ່ວຍຜູ້ລີ້ໄພ ປາແລັດສະຕິນ ຂອງສະຫະປະຊາຊາດ ປະຕິບັດຢູ່ເຂດ ກາຊາ ແລະ ເຂດຕາເວັນຕົກແມ່ນ້ຳຈໍແດນ.