(vovworld) – ວັນທີ 01/04, ສະພາສິດທິມະນຸດສະຫະປະຊາຊາດ ໄດ້ດຳເນີນກອງປະຊຸມພິເສດກ່ຽວກັບ “ບັນດາການລະເມີດສິດທິມະນຸດໂດຍກຸ່ມກໍ່ການຮ້າຍ Boko Haram ກໍ່ຂຶ້ນ” ຕາມຄວາມຮຽກຮ້ອງຂອງ 20 ປະເທດສະມາຊິກ ແລະ ນັກສັງເກດການສະພາສິດທິມະນຸດສະຫະປະຊາຊາດ. ທີ່ກອງປະຊຸມ, ມີສະມາຊິກ ແລະ ນັກສັງເກດການຂອງສະພາສິດທິມະນຸດສະຫະປະຊາຊາດກວ່າ 70 ຄົນ ໄດ້ກ່າວປະນາມການກະທຳຂອງກຸ່ມກໍ່ການຮ້າຍ Boko Haram, ທີ່ໄດ້ລະເມີດສິດຂອງແມ່ນຍິງ ແລະ ເດັກນ້ອຍຢ່າງຮ້າຍແຮງ, ໃນຂອບເຂດກວ້າງໃຫຍ່ ແລະ ເປັນລະບົບ. ບັນດາປະເທດສະແດງຄວາມສາມັກຄີ ແລະ ການສະໜັບສະໜູນບັນດາປະເທດກ່ຽວຂ້ອງ, ພ້ອມກັບພັນທະມິດອາຟະລິກາ ແລະ ບັນດາອົງການຂອງສະຫະປະຊາຊາດ ມີການເຄື່ອນໄຫວທີ່ເໝາະສົມເພື່ອສະກັດກັ້ນກຸ່ມກໍ່ການຮ້າຍນີ້. ຜູ້ຕາງໜ້າຄະນະຜູ້ແທນຫວຽດນາມ ຢູ່ເຊີແນວຢືນຢັນວ່າ, ດ້ວຍບົດບາດເປັນສະມາຊິກສະພາສິດທິມະນຸດສະຫະປະຊາຊາດ, ຫວຽດນາມ ໄດ້ຕິດຕາມຢ່າງໃກ້ຊິດ ແລະ ແບ່ງປັນຄວາມວິຕົກກັງວົງຢ່າງເລິກເຊິ່ງຂອງປະຊາຄົມສາກົນ ທີ່ມີຕໍ່ການກະທຳກໍ່ການຮ້າຍຂອງ Boko Haram, ທີ່ໄດ້ລະເມີດບັນດາສິດຂອງມະນຸດຢ່າງຮ້າຍແຮງ ແລະ ກໍ່ໃຫ້ເກີດໄພນາບຂູ່ເຖິງສັນຕິພາບ ແລະ ຄວາມສະຫງົບປອດໄພໃນພາກພື້ນ. ຫວຽດນາມ ມີຄວາມວິຕົກກັງວົນພິເສດເຖິງສະພາບ ແມ່ຍິງ ແລະ ເດັກນ້ອຍຫຼາຍຄົນຖືກລອກຈັບຕົວ, ຖືກປົດບັນດາສິດເສລີໂດຍພື້ນຖານ, ຖືກສວຍໃຊ້, ຊຳບໍ່ໜຳຖືກຂ້າຕາຍຍ້ອນກຸ່ມກໍ່ການຮ້າຍນີ້. ຫວຽດນາມ ສະແດງຄວາມສະມັກຄີກັບປະຊາຊົນບັນດາປະເທດອາຟະລິກາ, ຊົມເຊີຍຄວາມມານະພະຍາຍາມຂອງປະເທດຕ່າງໆ, ບັນດາອົງການຈັດຕັ້ງໃນພາກພື້ນ ແລະ ອົງການຕ່າງໆຂອງສະຫະປະຊາຊາດ ທີ່ກ່ຽວຂ້ອງເຖິງການຮັກສາສັນຕິພາບ ແລະ ຄວາມສະຫງົບປອດໄພໃນພາກພື້ນ ຍ້ອນນັ້ນແມ່ນພື້ນຖານເພື່ອປົກປ້ອງ ແລະ ຊຸກຍູ້ສິດທິມະນຸດ.
ພາຍຫຼັງກອງປະຊຸມປຶກສາຫາລື, ສະພາສິດທິມະນຸດສະຫະປະຊາຊາດ ໄດ້ຮັບຮອງເອົາມະຕິກາວປະນາມບັນດາການກະທຳກໍ່ການຮ້າຍຂອງ Boko Haram ແລະ ຮຽກຮ້ອງໃຫ້ຫ້ອງການຂະຫຼວງໃຫຍ່ສິດທິມະນຸດສະຫະປະຊາຊາດ ຊອກຮູ້ຂໍ້ມູນຂ່າວຕົວຈິງ ແລະ ມີບົດລາຍງານທີ່ກອງປະຊຸມສະພາສິດທິມະນຸດສະຫະປະຊາຊາດ ຄັ້ງທີ 30, ເຊິ່ງຄາດວ່າຈະຈັດຂຶ້ນໃນເດືອນ 09/2015.