ຫວຽດນາມມຸ່ງໄປເຖິງປະຊາຄົມວັດທະນະທຳສັງຄົມອາຊຽນໝັ້ນຄົງ2025
ກອງປະຊຸມສະພາປະຊາຄົມວັດທະນະທຳ - ສັງຄົມ ອາຊຽນ (ASCC) ຄັ້ງທີ 16
(ພາບ: ໝີບີງ)
(vovworld) - ກອງປະຊຸມສະພາປະຊາຄົມວັດທະນະທຳ - ສັງຄົມ ອາຊຽນ (ASCC) ຄັ້ງທີ 16 ສິ້ນສຸດລົງວັນທີ 31/08 ຢູ່ນະຄອນຫລວງ ວຽງຈັນ ປະເທດ ລາວ. ກອງປະຊຸມໄດ້ອອກຖະແຫຼງການຮ່ວມ ຢືນຢັນຄຳໝັ້ນສັນຍາຈະສົ່ງເສີມບັນດາອົງການສະເພາະ ຂະແໜງປະຕິບັດບັນດາຄວາມມານະພະຍາຍາມລວມຂອງປະຊາຄົມ. ຄະນະຜູ້ແທນ ຫວຽດນາມ ໂດຍທ່ານນາງ ດ່າວຮົ່ງລານ ຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມນຳໜ້າ ໄດ້ມີບັນດາການປະກອບສ່ວນຢ່າງຕັ້ງໜ້າຢູ່ກອງປະຊຸມ. ກ່າວຄຳເຫັນທີ່ກອງປະຊຸມ, ທ່ານນາງ ດ່າວຮົ່ງລານ ເນັ້ນໜັກວ່າ:
“ໜຶ່ງໃນບັນດາວຽກງານ ເຊິ່ງ ຫວຽດນາມ ໄດ້ຜັນຂະຫຍາຍໃນໄລຍະຜ່ານມາ ເຊິ່ງຜ່ານກອງປະຊຸມຄັ້ງນີ້ ໄດ້ຮັບການຕີລາຄາວ່າແມ່ນຂໍ້ລິເລີ່ມ ເພື່ອໃຫ້ບັນດາປະເທດສາມາດຮ່ຳຮຽນ ແລະ ແບ່ງປັ່ນໄດ້, ນັ້ນແມ່ນ ນັບແຕ່ເມື່ອແຜນການສັງລວມຂອງປະຊາຄົມວັດທະນະທຳ - ສັງຄົມໄດ້ຮັບການຮັບຮອງເອົາ, ຫວຽດນາມ ໄດ້ເປັນເຈົ້າການສ້າງແຜນຮ່າງກໍ່ສ້າງ ແລະ ຜັນຂະຫຍາຍບັນດາຈຸດໝາຍຂອງປະຊາຄົມວັດທະນະທຳສັງຄົມຮອດປີ 2025. ອາດເວົ້າໄດ້ວ່າ ນີ້ແມ່ນຂໍ້ລິເລີ່ມທີ່ໄດ້ຮັບການຮັບຮູ້ຈາກບັນດາປະເທດ ອາຊຽນ. ທີ 2 ແມ່ນ ເພື່ອຫັນວິໄສທັດກາຍເປັນການກະທຳ ຕ້ອງມີກົນໄກຕິດຕາມກວດກາ ເພື່ອຕີລາຄາບັນດາວຽກງານ ເຊິ່ງໄດ້ຍົກອອກມາຜັນຂະຫຍາຍປະຕິບັດ ແລະ ການເພີ່ມທະວີກົນໄກຕິດຕາມກວດກາຕີລາຄາ ກໍ່ແມ່ນຂໍ້ລິເລີ່ມ ເຊິ່ງ ຫວຽດນາມ ສະເໜີ ແລະ ກໍ່ໄດ້ຮັບການຮັບຮູ້ທີ່ກອງປະຊຸມຄັ້ງນີ້. ”