ພິທີລົງນາມໃນຖະແຫຼງການຮ່ວມສຳເລັດການເຈລະຈາສັນຍາການຄ້າເສລີຢ່າງເປັນທາງການລະຫວ່າງຫວຽດ ນາມກັບ ພັນທະພາບພາສີ |
(vovworld)- ປະຈຸບັນ, ຫວຽດນາມໄດ້ຮັບເລືອກແມ່ນຄູ່ຮ່ວມມືທຳອິດຂອງ ພັນທະພາບພາສີ ລັດເຊຍ-ເບລາຣຸດ-ກາຊັກສະຖານ. ການສຳເລັດໂດຍພື້ນຖານກ່ຽວກັບການເຈລະຈາ ແລະ ສົ່ງເສີມການລົງນາມສັນຍາການຄ້າເສລີຢ່າງເປັນທາງການລະຫວ່າງຫວຽດນາມກັບ ພັນທະພາບພາສີ ກໍແມ່ນເງື່ອນໄຂທີ່ສະດວກເພື່ອໃຫ້ບັນດາວິສາຫະກິດຫວຽດນາມຍູ້ແຮງການສົ່ງອອກໄປຍັງຕະຫຼາດນີ້ໃນອະນາຄົດ. ທ່ານ ດຣ ລິວບິກໂຮ່ ອະດີດຫົວໜ້າສະຖາບັນຍຸດທະສາດພັດທະນາຫວຽດນາມໃຫ້ຮູ້ວ່າ :
“ສະເພາະປະເທດລັດເຊຍ ແມ່ນໃຫຍ່ຫຼວງທີ່ສຸດ, ບວກກັບ ເບລາຣຸດ ແລະ ກາຊັກສະຖານ ແມ່ນຕະຫຼາດທີ່ໃຫຍ່ພໍສົມຄວນສຳລັບຫວຽດນາມ. ພັນທະພາບພາສີນີ້ສືບຕໍ່ເປີດກ້ວາງອອກ, ບໍ່ພຽງແຕ່ຢຸດຢູ່ໃນ 3-4ປະເທດຄືໃນປະຈຸບັນເທົ່ານັ້ນ, ດັ່ງນັ້ນຕະຫຼາດນີ້ ນັບມື້ນັບມື້ພັດທະນາ ແລະ ເປີດກ້ວາງກວ່າເກົ່າ. ດ້ວຍເຫດຜົນເຫຼົ່ານັ້ນ, ຂ້າພະເຈົ້າເຫັນວ່າ ມີຄວາມສອດຄ່ອງກັບການກຳນົດທິດ, ທິດທາງຂອງພວກເຮົາໃນໄລຍະທີ່ຈະມາເຖິງ ແມ່ນສືບຕໍ່ຫັນບັນດາການພົວພັນສາກົນເປັນຫຼາຍຮູບຫຼາຍແບບ, ຫຼາຍຝ່າຍ ແລະ ເຊື່ອມໂຍງເຂົ້າກັບສາກົນ”