(ພາບປະກອບ)
(vovworld) – ຫວຽດນາມ ໄດ້ກາຍເປັນປະເທດມີລາຍຮັບໃນລະດັບປານກາງ, ເຖິງຢ່າງໃດກໍ່ຕາມ ຢູ່ເຂດຫາງໄກສອກຫຼິກ ຍັງມີປະຊາຊົນພາກສ່ວນໜຶ່ງມີລະດັບຄອງຊີບຕ່ຳຢູ່. ເນື່ອງໃນໂອກາດເດືອນກະທຳເພື່ອຄົນທຸກຍາກ, ໃນລາຍການ “ປະຊາຊົນຖາມ, ລັດຖະມົນຕີຕອບ” ວັນທີ 18/10, ທ່ານນາງ ຟ້າມທິຫາຍຈ່ວຽນ ລັດຖະມົນຕີວ່າການກະຊວງແຮງງານ - ທະຫານເສຍອົງຄະ ແລະ ສັງຄົມ ໄດ້ຕອບບາງເນື້ອໃນທີ່ກ່ຽວຂ້ອງເຖິງບັນດານະໂຍບາຍຂອງ ພັກ, ລັດ ໜູນຊ່ວຍປະຊາຊົນຫລຸດພົ້ນອອກຈາກຄວາມທຸກຍາກຢ່າງໝັ້ນຄົງ.
ທ່ານນາງລັດຖະມົນຕີໃຫ້ຮູ້ວ່າ: ຫວ່າງແລ້ວນີ້ ເມື່ອກ່າວຄຳເຫັນຕໍ່ໜ້າສະມັດຊາໃຫຍ່ສະຫະປະຊາຊາດ, ທ່ານປະທານປະເທດ ເຈືອງເຕີ໋ນຊາງ ຢືນຢັນວ່າ: ຫວຽດນາມ ໄດ້ສຳເລັດຜົນກ່ອນກຳນົດເວລາ 2 ປີເມື່ອທຽບໃສ່ຄຳໝັ້ນສັນຍາສາກົນ, ແມ່ນໜຶ່ງໃນ 6 ປະເທດປະຕິບັດບັນດາຄາດໝາຍພັດທະນາສະຫັດສະວັດກ່ຽວກັບການຫລຸດຜ່ອນຄວາມທຸກຍາກໄວສຸດ. ທ່ານນາງ ຟ້າມທິຫາຍຈ່ວຽນ ຊີ້ແຈ້ງວ່າ:
“ລັດຖະບານໄດ້ຜັນຂະຫຍາຍ ແລະ ປະກາດໃຊ້ນະໂຍບາຍລະອຽດໜູນຊ່ວຍຄົນທຸກຍາກຫລາຍສະບັບ. ທີ 2 ແມ່ນໜູນຊ່ວຍກ່ຽວກັບສາທາລະນະສຸກ, ຄອບຄົວທຸກຍາກໄດ້ຮັບໜູນຊ່ວຍບັດປະກັນສຸຂະພາບ 100%, ຄອບຄົວໃກ້ຈະຕົກຢູ່ໃນລະດັບທຸກຍາກໄດ້ຮັບໜູນຊ່ວຍ 70% ຂອງບັດປະກັນສຸຂະພາບ, ໄດ້ຮັບໜູນຊ່ວຍດ້ານການສຶກສາ, ໜູນຊ່ວຍ 64 ເມືອງທຸກຍາກລົງທຶນພື້ນຖານໂຄງລ່າງ, ກິດຈະກຳຊົນລະປະທານ, ຄົມມະນາຄົມຮັບໃຊ້ຊີວິດການເປັນຢູ່ຂອງປະຊາຊົນເຂດປະສົມຄວາມທຸກຍາກ”.