ຫວຽດນາມ,ມາເລເຊຍມານະພະຍາຍາມຊຸກຍູ້ການຮ່ວມມືເສດຖະກິດ
ພາບປະກອບ
|
(vovworld) – ທີ່ກອງປະຊຸມຄະນະກຳມະການປະສົມການຄ້າ ຫວຽດນາມ - ມາເລເຊຍ ຄັ້ງທີ 3 ຈັດຕັ້ງໃນວັນທີ 25/4 ຢູ່ນະຄອນຫຼວງ Kuala Lumpur, ປະເທດ ມາເລເຊຍ, ພາຍໃຕ້ການເປັນປະທານຮ່ວມຂອງທ່ານລັດຖະມົນຕີວ່າການກະຊວງອຸດສາຫະກຳ ແລະ ການຄ້າ ຫວຽດນາມ ຫວູຮູຍຮ່ວາງ ແລະ ທ່ານລັດຖະມົນຕີວ່າການກະຊວງການຄ້າສາກົນ ແລະ ອຸດສາຫະກຳ ມາເລເຊຍ Mustapa Mohamed, ປຶກສາຫາລືບັນດາມາດຕະການເພີ່ມທະວີການພົວພັນຮ່ວມມືດ້ານເສດຖະກິດ, ການຄ້າລະຫວ່າງ 2 ປະເທດ. 2 ຝ່າຍເຫັນດີເປັນເອກະສັນນຳກັນວ່າ: ບັນດານະໂຍບາຍເສດຖະກິດມີບົດບາດສຳຄັນໃນດ້ານການຄ້າ 2 ຝ່າຍ, ພ້ອມທັງເນັ້ນໜັກເພື່ອສ້າງຄວາມສະດວກໃຫ້ແກ່ການດຳເນີນທຸລະກິດ ແລະ ການລົງທຶນ, 2 ຝ່າຍຄວນຫລຸດຜ່ອນ ຫຼື ລົບລ້າງຮົ້ວກີດຂວາງດ້ານການຄ້າ ແລະ ຫັນລະບຽບການບໍລິຫານທີ່ມີລັກສະນະຮູບການເປັນງ່າຍດາຍ. ກອງປະຊຸມກໍ່ປຶກສາຫາລືຂໍ້ສະເໜີກ່ຽວກັບບົດບັນທຶກຊ່ວຍຈຳ 2 ຝ່າຍໃນຂົງເຂດການຢາ, ປະຕິບັດບັນດາມາດຕະການເພີ່ມທະວີການຮ່ວມມືການຄ້າ 2 ຝ່າຍລະຫວ່າງອົງການພັດທະນາການຄ້າຕ່າງປະເທດ ມາເລເຊຍ ແລະ ກົມສົ່ງເສີມການຄ້າ ຫວຽດນາມ, ໃນນັ້ນລວມມີການຊຸກຍູ້ແລກປ່ຽນບັນດາຄະນະຜູ້ແທນດ້ານການຄ້າ, ກໍ່ຄືເຂົ້າຮ່ວມບັນດາງານຕະຫຼາດນັດ, ງານວາງສະແດງການຄ້າຢູ່ທັງ 2 ປະເທດ. ກອງປະຊຸມກໍ່ເຕື້ອງເຖິງບັນດາບັນຫາກ່ຽວຂ້ອງເຖິງປະຊາຄົມເສດຖະກິດ ອາຊຽນ, ເຊິ່ງຄາດວ່າຈະຮັບການສ້າງຕັ້ງໃນທ້າຍປີນີ້ ດ້ວຍຈຸດປະສົງສ້າງຕັ້ງຮາກຖານຜະລິດ ແລະ ຕະຫຼາດລວມໃນພາກພື້ນ 10 ປະເທດ ອາຊຽນ.