ຫວຽດນາມຢັ້ງຢືນອະທິປະໄຕສຳລັບໝູ່ເກາະເຈື່ອງຊາ
(ໂຄສົກກະຊວງການຕ່າງປະເທດ ຫວຽດນາມ ເລຫາຍບິ່ງ)
(vovworld) – ວັນທີ 12/01, ເມື່ອຕອບສຳພາດຕໍ່ນັກຂ່າວກ່ຽວກັບປະກິຕິລິຍາຂອງ ຫວຽດນາມ ຕໍ່ເນື້ອໃນບົດກ່າວຄຳເຫັນຂອງໂຄສົກກະຊວງການຕ່າງປະເທດ ຈີນ ໃນວັນທີ 11/01/2016 ທີ່ກ່ຽວຂ້ອງເຖິງເລື່ອງເຮືອບິນ ຈີນ ບິນອອກສູ່ສະໜາມບິນ ຊຶ່ງຈີນໄດ້ກໍ່ສ້າງຢ່າງຜິດກົດໝາຍຢູ່ເກາະຫີນ ຈືເທີ້ບ ຂຶ້ນກັບໝູ່ເກາະ ເຈື່ອງຊາ ຂອງ ຫວຽດນາມ, ໂຄສົກກະຊວງການຕ່າງປະເທດ ຫວຽດນາມ ເລຫາຍບິ່ງ ຊີ້ແຈ້ງວ່າ: ຫວຽດນາມ ເດັດດ່ຽວປະຕິເສດບັນດາທັດສະນະທີ່ຜິດພາດໃນບົດກ່າວຄຳເຫັນຂອງໂຄສົກກະຊວງການຕ່າງປະເທດ ຈີນ ໃນວັນທີ 11/01/2016. ຫວຽດນາມ ຢັ້ງຢືນອີກຄັ້ງໜຶ່ງອະທິປະໄຕທີ່ບໍ່ອາດໂຕ້ຖຽງກັນໄດ້ຂອງ ຫວຽດນາມ ສຳລັບໝູ່ເກາະ ເຈື່ອງຊາ ກໍຄືໝູ່ເກາະ ຮ່ວາງຊາ.
ທ່ານ ເລຫາຍບິ່ງ ໃຫ້ຮູ້ວ່າ: ເລື່ອງ ຈີນ ຖະແຫຼງຖືເລື່ອງຈີນໃຫ້ເຮືອບິນໄປຍັງເກາະຫີນ ຈືເທີ້ບ ແມ່ນ “ບັນດາການເຄື່ອນໄຫວການບິນແຫ່ງຊາດ” ເພື່ອແນໃສ່ຢືນຢັນອະທິປະໄຕໄຮ້ເຫດຜົນຂອງ ຈີນ ສຳລັບໝູ່ເກາະ ເຈື່ອງຊາ, ລະເມີດອະທິປະໄຕຂອງ ຫວຽດນາມ ສຳລັບໝູ່ເກາະ ເຈື່ອງຊາ ຢ່າງຮ້າຍແຮງ. ອີກຄັ້ງໜຶ່ງ, ຫວຽດນາມ ຮຽກຮ້ອງ ຈີນ ຢຸດຕິການບິນອອກສູ່ເກາະຫີນ ຈືເທີ້ບ, ບໍ່ໄດ້ມີບັນດາການກະທຳທີ່ລະເມີດອະທິປະໄຕຂອງ ຫວຽດນາມ ຕື່ມອີກ, ປະກອບສ່ວນຢ່າງແທດຈິງເຂົ້າການປົກປັກຮັກສາສັນຕິພາບ, ສະຖຽນລະພາບໃນພາກພື້ນ, ຄວາມສະຫງົບປອດໄພຄວາມເສລີໃນການເດີນທະເລ, ການບິນຢູ່ທະເລຕາເວັນອອກ.