ຄະນະຜູ້ແທນຫວຽດນາມ ທີ່ກອງປະຊຸມ
ພາບ:TTXVN
|
(vovworld) - ຕົ້ນເດືອນ 2/2014 ຜ່ານມາ, ທີ່ກອງປະຊຸມ ສະພາສິດທິມະນຸດ ຊື່ງຈັດຂຶ້ນຢູ່ ເຊີແນວ ປະເທດ ສະວິດ, ຄະນະຜູ້ແທນຫວຽດນາມ ໂດຍທ່ານ ຮ່າກີມງອກ, ຮອງລັດຖະມົນຕີການຕ່າງປະເທດນຳຫນ້າ ໄດ້ສະເຫນີບົດລາຍງານແຫ່ງຊາດພາຍໃຕ້ກົນໄກທົບທວນປະຈຳໄລຍະດ້ານສິດທິມະນຸດ(UPR) ໄລຍະ 2 ຂອງສະພາສິດທິມະນຸດ ສປຊ. ບົດລາຍງານກ່ຽວກັບສິດທິມະນຸດຂອງຫວຽດນາມ ໄດ້ຮັບການຕີລາຄາຈາກປະຊາຄົມສາກົນວ່າແມ່ນ ຖະແຫລງການທີ່ຈິງໃຈກ່ຽວກັບຄຳໝັ້ນສັນຍາເຄົາລົບສິດທິມະນຸດ”. ກ່າວຄຳເຫັນທີ່ວາລະປະຊຸມ, ທ່ານຮອງລັດຖະມົນຕີການຕ່າງປະເທດຫວຽດນາມ ຮ່າກີມງອກ ຊີ້ແຈ້ງວ່າ: ໃນໄລຍະຈະມາເຖິງ, ຫວຽດນາມ ຈະປະຕິບັດການຮັບປະກັນສິດທິມະນຸດຢູ່ຫວຽດນາມ ໃຫ້ດີກວ່າອີກ ກໍຄື ສຳເລັດບັນດາຄວາມຮັບຜິດຊອບສາກົນ.
“ໃນຂອບເຂດແຫ່ງຊາດ, ຫວຽດນາມ ຍັງຄົງສືບຕໍ່ບັນດາຄວາມມານະພະຍາຍາມ, ມາດຕະການ, ນະໂຍບາຍ ແລະ ບັນດາແຫລ່ງກຳລັງ ເພື່ອຮັບປະກັນສິດຂອງປະຊາຊົນໃຫ້ດີກວ່າເກົ່າ ພ້ອມກັນນັ້ນ ຫວຽດນາມ ກໍຕ້ອງປະຕິບັດບັນດາຄຳໝັ້ນສັນຍາສະໝັກໃຈ ຊື່ງຫວຽດນາມ ໄດ້ຍົກອອກເມື່ອສະໝັກຮັບເລືອກຕັ້ງເຂົ້າເປັນສະມາຊິກສະພາສິດທິມະນຸດ ສປຊ. ໃນຂອບເຂດສາກົນ, ປະຈຸບັນ ຫວຽດນາມ ໄດ້ກາຍເປັນສະມາຊິກຂອງສະພາສິດທິມະນຸດ, ພວກເຮົາຈະເຂົ້າຮ່ວມຢ່າງຕັ້ງຫນ້າ, ເປັນເຈົ້າການ, ມີຄວາມຮັບຜິດຊອບ, ເຮັດໃຫ້ອົງການນີ້ຂອງ ສປຊ ມີປະສິດທິຜົນກວ່າ, ໂປ່ງໃສກວ່າ, ພາວະວິໄສກວ່າ, ພ້ອມທັງ ຊຸກຍູ້ຈິດໃຈໂອ້ລົມສົນທະນາ ແລະ ການຮ່ວມມືໃນຂອບເຂດສະພາສິດທິມະນຸດ ສປຊ.”