ທ່ານເລຂາທິການໃຫ່ຍ, ປະທານປະເທດລາວ ທອງລຸນ ສີສຸລິດ ໄດ້ສົ່ງຈົດໝາຍຂອບອົກຂອບໃຈ ມາຍັງທ່ານເລຂາທິການໃຫ່ຍ ຫງວຽນຝູຈ້ອງ ແລະ ທ່ານປະທານປະເທດ ຫງວຽນຊວັນຝຸກ ທີ່ມີໂທລະເລກຢ້ຽມຢາມຖາມຂ່າວກ່ຽວກັບສະພາບໂລກລະບາດໂຄວິດ 19 ຢູ່ລາວ, ເນື້ອໃນຈົດໝາຍມີຕອນຂຽນວ່າ: ພັກ, ລັດ ແລະ ປຊຊ ລາວ ສະແດງຄວາມຮູ້ບຸນຄຸນ ແລະ ຕື້ນຕັນໃຈທີ່ສຸດ ເມື່ອເຫັນວ່າ, ເຖິງວ່າກໍ່ພວມປະສົບກັບຄວາມຫຍຸ້ງຍາກ ໃນການປ້ອງກັນ, ຕ້ານໂລກລະບາດໂຄວິດ 19 ກໍ່ຕາມ, ແຕ່ພັກ, ລັດ ແລະ ປຊຊ ຫວຽດນາມ ຍາມໃດກໍ່ໄດ້ເອົາໃຈໃສ່ ແລະ ຊ່ວຍເຫຼືອ ລາວ ໃນຕະຫຼອດໄລຍະທີ່ຜ່ານມາ. ການຊ່ວຍເຫຼືອທີ່ມີຄ່າ, ທັນການ ແລະ ມີປະສິດທິຜົນຂອງຫວຽດນາມ ກ່ຽວກັບດ້ານຊັບພະຍາກອນມະນຸດ, ເຄື່ອງອຸປະກອນການແພດ ແລະ ຢຸກຢາປິ່ນປົວ ດ້ວຍປະລິມານຫຼວງຫຼາຍ ໄດ້ປະກອບສ່ວນສຳຄັນຊ່ວຍລາວ ໃນວຽກງານປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂໄດ້ການແຜ່ລະບາດຂອງໂລກລະບາດໂຄວິດ 19.