(ພິທີຕ້ອນຮັບທ່ານລັດຖະມົນຕີ ເຈິ່ນດ້າຍກວາງ )
(vovworld) - ວັນທີ 24/12, ຢູ່ນະຄອນຫຼວງວຽງຈັນ, ລາວ, ທ່ານລັດຖະມົນຕີວ່າການກະຊວງຕຳຫຼວດຫວຽດນາມ, ທ່ານພົນເອກ ເຈິ່ນດ້າຍກວາງ ໄດ້ມີການເຈລະຈາກັບທ່ານລັດຖະມົນຕີວ່າການກະຊວງປ້ອງກັນຄວາມສະຫງົບລາວ, ພົນຕີ ສົມແກ້ວ ສີລະວົງ. ນະທີ່ນີ້, ລັດຖະມົນຕີວ່າການທັງສອງທ່ານ ໄດ້ເຫັນດີເປັນເອກະສັນນຳກັນວ່າ, ໃນໄລຍະຈະມາເຖິງ, ສອງຝ່າຍຈະເພີ່ມທະວີບັນດາມາດຕະການຮ່ວມມືໃນການປ້ອງກັນ, ຕໍ່ສູ້ຕ້ານກົນອຸບາຍ, ການເຄື່ອນໄຫວມ້າງທຳລາຍສອງປະເທດຂອງບັນດາອິດທິກຳລັງທີ່ເປັນປໍລະປັກ; ປະຕິການ; ສົມທົບກັນປົກປັກຮັກສາຄວາມສະຫງົບ, ປອດໄພໃຫ້ບັນດາກອງປະຊຸມສາກົນ, ບັນດາເຫດການສຳຄັນທີ່ດຳເນີນຢູ່ສອງປະເທດ. ພ້ອມກັນນັ້ນ, ສອງກະຊວງຈະຍູ້ແຮງວຽກງານຕໍ່ສູ້ກັບບັນດາອາດຊະຍາກໍາທີ່ມີການຈັດຕັ້ງ, ຂ້າມຊາດ, ພິເສດແມ່ນອາດຊະຍາກຳຢາເສບຕິດ, ການຄ້າມະນຸດ, ອາດຊະຍາກຳນຳໃຊ້ເຕັກໂນໂລຢີສູງ; ສົມທົບກັນຊອກຈັບບັນດາເປົ້າໝາຍລະເມີດກົດໝາຍ; ຄົ້ນຄ້ວາ, ດຳເນີນການເຈລະຈາເພື່ອກ້າວໄປເຖິງການລົງນາມໃນສັນຍາພາຕົວອາດຊະຍາກອນ… ສອງຝ່າຍຈະເອົາໃຈໃສ່ເປັນພິເສດເຖິງການຮ່ວມມືຢ່າງແໜ້ນແຟ້ນໃນບັນດາຂົງເຂດກໍ່ສ້າງ, ບຳລຸງພະນັກງານ ແລະ ໜູນຊ່ວຍອຸປະກອນ, ພາຫະນະດ້ານວິຊາການເພື່ອແນໃສ່ຍົກສູງປະສິດທິຜົນວຽກງານປົກປັກຮັກສາຄວາມສະຫງົບແຫ່ງຊາດ, ຮັກສາຄວາມເປັນລະບຽບຮຽບຮ້ອຍໃນສັງຄົມຂອງແຕ່ລະປະເທດ. ສິ້ນສຸດການເຈລະຈາ, ທ່ານລັດຖະມົນຕີ ເຈິ່ນດ້າຍກວາງ ແລະ ທ່ານລັດຖະມົນຕີ ສົມແກ້ວ ສີລະວົງ ໄດ້ລົງນາມໃນແຜນການຜັນຂະຫຍາຍສັນຍາຮ່ວມມື ລະຫວ່າງກະຊວງຕຳຫຼວດ ສສ.ຫວຽດນາມ ແລະ ກະຊວງປ້ອງກັນຄວາມສະຫົງບ ສປປ.ລາວປີ 2016.