(vovworld) – ວັນທີ 27/06, ຢູ່ນະຄອນຫຼວງວຽກຈັນ, ກະຊວງການເງິນລາວ ໄດ້ຈັດກອງປະຊຸມສຳມະນາບົດຮຽນຕົວຈິງຂອງຫວຽດນາມ ກ່ຽວກັບການຄຸ້ມຄອງການເງິນ, ງົບປະມານແຫ່ງລັດ. ກອງປະຊຸມສຳມະນາຍັງໄດ້ຮັບຟັງບັນດາຫົວເລື່ອງສະເພາະກ່ຽວກັບບັນດາມາດຕະການແກ້ໄຂໜີ້ສິນແກ່ຍາວໃນການກໍ່ສ້າງພື້ນຖານຂອງໂຄງການລົງທຶນຂອງລັດ; ບົດຮຽນກ່ຽວກັບການຈັດແບ່ງຂັ້ນຄຸ້ມຄອງງົບປະມານແຫ່ງລັດ… ໂດຍບັນດາຜູ້ຊ່ຽວຊານດ້ານການເງິນຫວຽດນາມ ສະເໜີ. ໂດຍຕາງໜ້າໃຫ້ກະຊວງການເງິນລາວ, ທ່ານລັດຖະມົນຕີກະຊວງການເງິນລາວ ຫລຽນ ທີແກ້ວ ໄດ້ຂອບໃຈບັນດາຜູ້ຊ່ຽວຊານຫວຽດນາມ ໄດ້ມີຄຳເຫັນອັນລ້ຳຄ່າ, ມີປະໂຫຍດກ່ຽວກັບການຄຸ້ມຄອງງົບປະມານແຫ່ງລັດ ແລະ ເຊື່ອໝັ້ນວ່າ ບັນດາບົດຮຽນຂອງຫວຽດນາມ ຈະຊ່ວຍໃຫ້ຂະແໜງການເງິນລາວ ບັນລຸປະສິດທິຜົນດີກວ່າໃນວຽກງານ, ປະກອບສ່ວນຊຸກຍູ້ການຮ່ວມມືລະຫວ່າງ 2 ກະຊວງການເງິນ ຫວຽດນາມ - ລາວ ໃຫ້ພັດທະນາຢ່າງໝັ້ນຄົງ.