ການຕັດແຖບຜ້າໄຂກອງປະຊຸມ
|
(vovworld) – ຫວຽດນາມ ແມ່ນປະເທດກິຕິມະສັກຖືກເຊີນເຂົ້າຮ່ວມງານວາງສະແດງສາກົນກ່ຽວກັບພາຫະນະເຄື່ອງຈັກ, ເຕັກໂນໂລຢີ ແລະ ການບໍລິການສິ່ງແວດລ້ອມ Pollutec 2016, ພວມດຳເນີນຢູ່ສ. ຝຣັ່ງ. ທ່ານ ເຈີ່ນຮົ່ງຮ່າ, ລັດຖະມົນຕີກະຊວງຊັບພະຍາກອນ ແ0ລະ ສິ່ງແວດລ້ອມ ຫວຽດນາມ ແລະ ທ່ານລັດຖະມົນຕີກະຊວງເສດຖະກິດ ແລະ ການເງິນ ຝຣັ່ງ ຮັບຜິດຊອບອຸດສາຫະກຳ ໄດ້ພ້ອມກັນຕັດແຖບຜ້າໄຂງານວາງສະແດງ ແລະ ເຂົ້າຮ່ວມການໂອ້ລົມສົນທະນາກັບສື່ມວນຊົນ ແລະ ສື່ສານສາກົນ. ຮ້ານວາງສະແດງຂອງ ຫວຽດນາມ ໄດ້ວາງສະແດງຮູບພາບ, ສາຍວີດີໂອ, ຮູບຈຳລອງໂຮງງານບຳບັດນ້ຳເສຍຢູ່ໝູ່ບ້ານອາຊີບ ເກົ່າງ່າ… ເມື່ອຕອບສຳພາດຕໍ່ສື່ມວນຊົນສາກົນ, ທ່ານລັດຖະມົນຕີ ເຈີ່ນຮົ່ງຮ່າ ໄດ້ເນັ້ນໜັກເຖິງແຜນນະໂຍບາຍຂອງ ຫວຽດນາມ ແມ່ນເອົາໃຈໃສ່ເປັນພິເສດເຖິງການປົກປັກຮັກສາສິ່ງແວດລ້ອມເພື່ອພັດທະນາແບບຍືນຍົງ:
“ເພື່ອໃຫ້ປະເທດໜຶ່ງພັດທະນາ, ໃນອະນາຄົດໃກ້ໆນີ້, ໃນການກຳນົດທິດທັນສະໄໝແມ່ນພື້ນຖານເສດຖະກິດຂຽວ - ການເຕີບໂຕຂຽວ - ເສດຖະກິດກາກບອນຕ່ຳ. ສິ່ງດັ່ງກ່າວໄດ້ຢັ້ງຢືນຄວາມສຳຄັນຂອງຂະແໜງອຸດສາຫະກຳສິ່ງແວດລ້ອມ, ນຳໃຊ້ ແລະ ປະດິດສ້າງບັນດາແຫຼ່ງພະລັງງານທຳມະຊາດ, ຜະລິດຄືນໃໝ່ຄືພະລັງງານດວງຕາເວັນ, ພະລັງງານແຮງລົມ ແທນທີ່ບັນດາແຫຼ່ງພະລັງງານບໍ່ແຮ່. ພື້ນຖານເສດຖະກິດ ກາກບອນຕ່ຳ, ພື້ນຖານເສດຖະກິດຕ້ອງອີງໃສ່ຄວາມຮູ້ແມ່ນສິ່ງທີ່ ຫວຽດນາມ ຕ້ອງການ, ຫວຽດນາມ ຕ້ອງມີຂະແໜງອຸດສາຫະກຳສິ່ງແວດລ້ອມແຂງແຮງ, ເພື່ອພັດທະນາໃຫ້ດຸ່ນດ່ຽງ ແລະ ຍືນຍົງ, ປົກປັກຮັກສາສິ່ງແວດລ້ອມພ້ອມກັບການເຕີບໂຕ.”