(ພາບປະກອບ)
(vovworld) - ວົງເງິນສົ່ງອອກ, ນຳເຂົ້າໃນເດືອນ 01/2013 ຂອງຫວຽດນາມ ບັນລຸລະດັບ 10,1 ຕື້ USD, ໃນນັ້ນ, ການສົ່ງອອກເກີນດູນບັນລຸປະມານ 200 ລ້ານ USD. ເມື່ອທຽບໃສ່ກັບໄລຍະດຽວກັນຂອງປີ 2012, ວົງເງິນສົ່ງອອກສິນຄ້າໃນເດືອນ 1 ໄດ້ເພີ່ມຂຶ້ນ 43,2%. ສິນຄ້າຕົ້ນຕໍບາງປະເພດມີວົງເງິນສົ່ງອອກເພີ່ມຂຶ້ນສູງເມື່ອທຽບກັບໄລຍະດຽວກັນຂອງປີ 2012 ແມ່ນໂທລະສັບ ແລະ ເຄື່ອງອຸປະກອນໂທລະສັບ, ເຄື່ອງເອເລັກໂຕນິກ ແລະ ສິ້ນສ່ວນ. ທີ່ການປະຊຸມຂ່າວເມື່ອຕອນບ່າຍວັນທີ 04/02, ທ່ານນາງ ຟ້າມທິຢ້ຽວຮ່າ, ຮອງຫົວໜ້າກົມຂາເຂົ້າຂາອອກ, ກະຊວງອຸດສາຫະກຳການຄ້າ ໃຫ້ຂໍ້ສັງເກດວ່າ ນີ້ແມ່ນສັນຍານທີ່ໜ້າຊື່ນຊົມ. ເຖິງແມ່ນວ່າ, ສະພາບການສົ່ງອອກໃນປີ 2013 ກໍຈະຕ້ອງປະສົບກັບຄວາມຫຍຸ້ງຍາກບໍ່ແມ່ນໜ້ອຍ.
“ບັນດາຕະຫຼາດສົ່ງອອກຈຸດສຸມຂອງຫວຽດນາມ ໄດ້ມີຄວາມຫຍຸ້ງຍາກຫຼາຍຢ່າງ. ບັນດາປະເທດນຳເຂົ້າໄດ້ຍົກອອກນະໂຍບາຍອາລັກຂາ, ຂົ້ວກີດຂວາງສຳລັບການສົ່ງອອກ. ເພື່ອບັນລຸໄດ້ຄາດໝາຍທີ່ລັດຖະບານວາງອອກ ຄືລະດັບເຕີບໂຕໃນການສົ່ງອອກແມ່ນ 10%, ວົງເງິນສົ່ງອອກບັນລຸລະດັບ 126 ຕື້ USD ແມ່ນໜ້າທີ່ອັນໜັກໜ່ວງ. ເພາະສະນັ້ນ, ຕ້ອງມະນາພະຍາຍາມທີ່ສຸດໃນການຊີ້ນຳບໍລິຫານຂອງລັດຖະບານ, ບັນດາກະຊວງ ແລະ ວິສາຫະກິດ”.
ແລະກໍໃນການປະຊຸມຂ່າວ, ເມື່ອເຕື້ອງເຖິງສະພາບການສະໜອງ ແລະ ຄວາມຕ້ອງການສິນຄ້າ ແລະ ຄວບຄຸມລາຄາໃນໂອກາດບຸນປີໃໝ່ປະຈຳຊາດ, ທ່ານ ຫວໍວັນກວຽນ, ຫົວໜ້າກົມຕະຫຼາດພາຍໃນປະເທດໃຫ້ຮູ້ວ່າ.
“ແຫຼ່ງສະໜອງສັດລ້ຽງ, ສັດປີກ, ຜັກ ໝາກໄມ້ພິເສດແມ່ນຢູ່ 2 ນະຄອນໃຫຍ່ຄືຮ່າໂນ້ຍ ແລະ ໂຮ່ຈິມິນ ແມ່ນຕອບສະໜອງໄດ້ໂດຍພື້ນຖານ. ບາງເທື່ອໃນໄລຍະໃກ້ໆບຸນປີໃໝ່ ຫຼື ພາຍຫຼັງບຸນປີໃໝ່ສິນຄ້າປາງປະເພດອາດຈະຂຶ້ນລາຄາ. ການເພີ່ມລາຄານັ້ນໄດ້ມີລັກສະນະຊົ່ວຄາວຫາກບໍ່ແມ່ນຂາດແຄນສິນຄ້າຈົ່ງເຮັດໃຫ້ລາຄາເພີ່ມຂຶ້ນ ຫຼືວ່າ ຂາດຄວາມດຸນດຽງລະຫວ່າງການສະໜອງຄວາມຕ້ອງການສິ້ນຄ້າ”.