ຫວຽດນາມສູ້ຊົນບັນລຸລະດັບປານກາງອາຊຽນກ່ຽວກັບສະພາບແວດລ້ອມແຫ່ງການດຳເນີນທຸລະກິດ
(ພາບປະກອບ)
(vovworld) – ຕອນເຊົ້າວັນທີ 18/05 ຢູ່ຮ່າໂນ້ຍ, ຫ້ອງວ່າການລັດຖະບານ ແລະ ສະຖາບັນຄົ້ນຄວ້າຄຸ້ມຄອງເສດຖະກິດສູນກາງສົມທົບກັບອົງການພັດທະນາສາກົນ ອາເມລິກາ (USAID) ຈັດຕັ້ງກອງປະຊຸມຜັນຂະຫຍາຍມະຕິຂອງລັດຖະບານກ່ຽວກັບການປັບປຸງສະພາບແວດລ້ອມແຫ່ງການດຳເນີນທຸລະກິດ ແລະ ຍົກສູງກຳລັງຄວາມສາມາດແກ່ງແຍ້ງແຫ່ງຊາດ. ຕາມການຕີລາຄາຂອງຫ້ອງວ່າການລັດຖະບານແລ້ວ ພາຍຫລັງ 2 ປີແຫ່ງການຜັນຂະຫຍາຍມະຕິ, ສະພາບແວດລ້ອມແຫ່ງການລົງທຶນ ແລະ ດຳເນີນທຸລະກິດຂອງ ຫວຽດນາມ ມີບັນດາບາດກ້າວປັບປຸງ, ກຳລັງຄວາມສາມາດແກ່ງແຍ້ງໄດ້ຮັບການຍົກສູງຂຶ້ນ, ໄດ້ຮັບການຕີລາຄາສູງ ແລະ ຮັບຮູ້ຈາກບັນດາອົງການຈັດຕັ້ງສາກົນທີ່ມີອິດທິຜົນຊື່ສຽງ, ປະຊາຄົມວິສາຫະກິດ ແລະ ນັບມື້ນັບມີຄວາມຫວັງຕໍ່ບັນດາຄວາມານະພະຍາຍາມຂອງລັດຖະບານ. ຫ້ອງວ່າການລັດຖະບານ ຈະປະຕິບັດການກວດກາຕິດຕາມກວດກາບັນດາກະຊວງ, ຂະແໜງການ ແລະ ທ້ອງຖິ່ນໂດຍກົງ ໃນການປະຕິບັດຜັນຂະຫຍາຍບັນດາຕົວເລກຄາດໝາຍກ່ຽວກັບ: ການປັບປຸງສະພາບແວດລ້ອມແຫ່ງການດຳເນີນທຸລະກິດທີ່ກ່ຽວຂ້ອງເຖິງພາສີ, ອາກອນ, ປະກັນສັງຄົມ…ໃນໄລຍະ 2016 – 2017, ຫວຽດນາມ ວາງເປົ້າໝາຍບັນລຸບັນດາຕົວເລກດັດຊະນີກ່ຽວກັບສະພາບແວດລ້ອມແຫ່ງການດຳເນີນທຸລະກິດຢູ່ລະດັບປານກາງ ກຸ່ມປະເທດ ອາຊຽນ 4 (ສິງກະໂປ, ໄທ, ມາເລເຊຍ, ອິນໂດເນເຊຍ).