ພາບປະກອບ
|
(vovworld) - ຫວຽດນາມ ສູ້ຊົນຮອດປີ 2030 ແມ່ນປະເທດແຖວໜ້າໃນອາຊຽນ ໃນບັນດາຂົງເຂດມີທ່າແຮງ - ນີ້ແມ່ນໜຶ່ງໃນບັນດາເນື້ອໃນໄດ້ຮັບການເຕື້ອງເຖິງໃນຍຸດທະສາດສັງລວມເຊື່ອມໂຍງເຂົ້າກັບສາກົນຮອດປີ 2020, ວິໄສທັດ 2030 ໂດຍ ນາຍົກລັດຖະມົນຕີຫາກໍ່ອະນຸມັດຜ່ານ. ຕາມນັ້ນແລ້ວ, ຈຸດໝາຍສັງລວມເຊື່ອມໂຍງເຂົ້າກັບສາກົນຮອດປີ 2030 ແມ່ນປະກອບສ່ວນເພີ່ມທະວີກຳລັງແຮງສັງລວມແຫ່ງຊາດ ນຳປະເທດກາຍເປັນປະເທດອຸດສາຫະກຳຕາມທິດທັນສະໄໝໂດຍໄວ, ຮັກສາເອກະລາດ, ອະທິປະໄຕ, ເອກະພາບ, ຜືນແຜ່ນດິນອັນຄົບຖ້ວນ ແລະ ປົກປັກຮັກສາປະເທດຊາດ, ຍົກສູງທີ່ຕັ້ງບົດບາດ, ອິດທິພົນຊື່ສຽງຂອງປະເທດຊາດ.
ສຳລັບລະດັບເຊື່ອມໂຍງເຂົ້າກັບສາກົນ, ຫວຽດນາມ ສຸ້ຊົນຮອດປີ 2020 ຈະທັດທຽມກັບບັນດາປະເທດ ອາຊຽນ - 6 (ບຣູໄນ, ອິນໂດເນເຊຍ, ມາເລເຊຍ, ຟີລິບປິນ, ສິງກາໂປ ແລະ ໄທ), ປີ 2025 ແມ່ນທັດທຽມບັນດາປະເທດ ອາຊຽນ - 4 (ສິງກາໂປ, ມາເລເຊຍ, ໄທ ແລະ ຟິລິບປິນ) ແລະ ຮອດປີ 2030 ບື່ນຕົວຂຶ້ນເຂົ້າບັນຊີລາຍຊື່ບັນດາປະເທດແຖວໜ້າໃນ ອາຊຽນ ໃນບັນດາຂົງເຂດທີ່ ຫວຽດນາມ ມີທ່າແຮງ ແລະ ມີຍຸດທະຍາດທັດທຽມຄືປັບປຸງສະພາບແວດລ້ອມແຫ່ງການດຳເນີນທຸລະກິດ.