ພາບປະກອບ
(vovworld) – ເມື່ອເຮັດວຽກກັບການນຳຄະນະເສດຖະກິດສູນກາງໃນຕອນເຊົ້າວັນທີ 19/3, ກ່ຽວກັບບາງໜ້າທີ່ຈຸດສຸມ ແລະ ກຳນົດທິດໃຫຍ່ໃນວິວັດການພັດທະນາເສດຖະກິດຂອງປະເທດຊາດ, ທ່ານນາຍົກລັດຖະມົນຕີ ຫງວຽນເຕີນຢູ້ງ ຕັກເຕືອນໃຫ້ຄະນະເສດຖະກິດສູນກາງຕ້ອງປຸກລະດົມພູມປັນຍາ, ການປະກອບສ່ວນຂອງບັນດາອົງການ, ສຳນັກງານ ແລະ ນັກວິທະຍາສາດເພື່ອປະຕິບັດໜ້າທີ່ເປັນເສນາທິການ, ກວດສອບ.
ທ່ານນາຍົກລັດຖະມົນຕີເຫັນດີສ້າງຕັ້ງຄະນະຊີ້ນຳສະຫລຸບ 5 ປີແຫ່ງການປະຕິບັດມະຕິສູນກາງຄັ້ງທີ 6 ຊຸດທີ 10 ກ່ຽວກັບການສືບຕໍ່ສ້າງສຳເລັດລະບອບເສດຖະກິດການຕະຫຼາດກຳນົດທິດສັງຄົມນິຍົມ ແລະ ຮຽກຮ້ອງໃຫ້ຜັນຂະຫຍາຍໜ້າທີ່ຖືກຕາມແຜນການ. ທ່ານນາຍົກລັດຖະມົນຕີ ຫງວຽນເຕີນຢູ້ງ ເນັ້ນໜັກວ່າ:
“ເນື້ອໃນສະຫລຸບປະການໜຶ່ງທີ່ສຳຄັນຂອງກອງປະຊຸມຄັ້ງນີ້ແມ່ນລະບອບເສດຖະກິດການຕະຫຼາດກຳນົດທິດສັງຄົມນິຍົມ. ແຕ່ລະໄລຍະທາງແຫ່ງການພັດທະນາ, ປ່ຽນໃໝ່ຂອງປະເທດຊາດຕິດພັນກັບການປ່ຽນໃໝ່ກ່ຽວກັບລະບອບເຊິ່ງທາດແທ້ແມ່ນເສດຖະກິດການຕະຫຼາດ, ທາດແທ້ຂອງມັນແມ່ນເສີມຂະຫຍາຍປະຊາທິປະໄຕໃນເສດຖະກິດ. ໃນຕົວຈິງແລ້ວ, ແຕ່ມາດຕາ 10 ຮອດກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍການລົງທຶນຈາກຕ່າງປະເທດ... ລ້ວນແຕ່ແມ່ນບັນດາຂີດໝາຍບາດກ້າວພັດທະນາກະໂດດຂັ້ນຂອງປະເທດຊາດຕິດພັນກັບການປ່ຽນໃໝ່, ສ້າງລະບອບເສດຖະກິດການຕະຫຼາດໃຫ້ສົມບູນແບບ”