ທ່ານເອກອັກຄະລັດຖະທູດ ຫງວຽນຈູງແທ່ງ, ຫົວໜ້າຄະນະ
ປະຕິບັດງານ ຫວຽດນາມ ປະຈຳ ສະຫະປະຊາຊາດ
(ພາບ: TTXVN)
(vovworld) – ໃນລະຫວ່າງວັນທີ 1 – 2/10 ທີ່ສຳນັກງານສະຫະປະຊາຊາດຢູ່ ເຊີແນວ ປະເທດ ສະວິດ, ສະພາສິດທິມະນຸດ ສະຫະປະຊາຊາດ ໄດ້ດຳເນີນບັນດາວາລະປຶກສາຫາລືສຸດທ້າຍ, ຮັບຟັງບັນດາບົດລາຍງານອັບເດັດຂອງຂ້າຫລວງໃຫຍ່ສະຫະປະຊາຊາດກ່ຽວກັບສະພາບການຢູ່ບາງພາກພື້ນ ແລະ ພິຈາລະນາ, ຮັບຮອງເອົາຮ່າງມະຕິ, ຂໍ້ຕົກລົງ ແລະ ຖະແຫຼງການປະທານ 32 ສະບັບ. ໃນບັນດາວາລະປະຊຸມສຸດທ້າຍຂອງຊຸດທີ 30, ທ່ານເອກອັກຄະລັດຖະທູດ ຫງວຽນຈູງແທ່ງ, ຫົວໜ້າຄະນະປະຕິບັດງານ ຫວຽດນາມ ປະຈຳ ສະຫະປະຊາຊາດ (ເຊີແນວ), ຫົວໜ້າຄະນະ ຫວຽດນາມ ເນັ້ນໜັກວ່າ: ຄະນະ ຫວຽດນາມ ໄດ້ເປັນເຈົ້າການປະກອບສ່ວນເນື້ອໃນສຳຄັນຫລາຍຢ່າງເຂົ້າໃນບັນດາຮ່າງມະຕິ ຊຶ່ງໄດ້ຮັບການເຫັນດີເຫັນພ້ອມ. ຫວຽດນາມ ກໍໄດ້ປ່ອນບັດສະໜັບສະໜູນບັນດາມະຕິມີເນື້ອໃນຕັ້ງໜ້າ, ກ້າວໜ້າມຸ່ງໄປເຖິງການສ້າງບັນດາສິດພັດທະນາ, ສິດສັນຕິພາບ, ສິດຊົນນະບົດ, ຕ້ານການໃຊ້ຄວາມຮຸນແຮງ….ແລະ ປ່ອນບັດຂາວສຳລັບຮ່າງມະຕິກ່ຽວກັບ ຊີຣີ.