ກົມການເມືອງສູນກາງພັກກອມມູນິດຫວຽດນາມໄດ້ໂຮມປະຊຸມ, ໃຫ້ຄຳເຫັນໃສ່ບົດສະຫຼຸບ 5 ປີແຫ່ງການປະຕິບັດມະຕິສູນກາງພັກຄັ້ງທີ 6 ຊຸດທີ 10 (ພາບ: TTXVN)
|
(vovworld)- ຕອນເຊົ້າວັນທີ 12/9, ຢູ່ຮ່າໂນ້ຍ, ກົມການເມືອງສູນກາງພັກກອມມູນິດຫວຽດນາມໄດ້ໂຮມປະຊຸມ, ໃຫ້ຄຳເຫັນໃສ່ບົດສະຫຼຸບ 5 ປີແຫ່ງການປະຕິບັດມະຕິສູນກາງພັກຄັ້ງທີ 6 ຊຸດທີ 10 ກ່ຽວກັບການສືບຕໍ່ສ້າງລະບອບເສດຖະກິດການຕະຫຼາດຕາມກຳນົດທິດສັງຄົມນິຍົມໃຫ້ສົມບູນແບບ.
ສະຫຼຸບການເຮັກວຽກ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງໄດ້ຢືນຢັນວ່າ ການສະຫຼຸບ 5 ປີແຫ່ງການປະຕິບັດມະຕິສູນກາງພັກເທືອ່ທີ 6 ຊຸດທີ 10 ກ່ຽວກັບ ການສືບຕໍ່ສ້າງລະບອບເສດຖະກິດການຕະຫຼາດຕາມກຳນົດທິດສັງຄົມນິຍົມໃຫ້ສົມບູນແບບ ແມ່ນຈຳເປັນ, ມີຄວາມໝາຍສຳຄັນໃນສະພາວະພວມກະກຽມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກ, ສະຫຼຸບ 30 ປີແຫ່ງການປ່ຽນແປງໃໝ່, ໃນນັ້ນເສດຖະກິດແມ່ນໃຈກາງ, ຮູບແບບເສດຖະກິດສັງລວມແມ່ນພັດທະນາພື້ນຖານເສດຖະກິດການຕະຫຼາດຕາມກຳນົດທິດສັງຄົມນິຍົມ. ທ່ານເລຂາທິການໃຫຍ່ ພັກກອມມູນິດຫວຽດນາມ ຫງວຽນຟູ້ຈ້ອງ ຢືນຢັນວ່າ :
“ ທິດທາງປ່ຽນແປງໃໝ່ຂອງພັກໄດ້ຖືກຫັນເປັນລະບອບບັນຍັດໃນລັດຖະທຳມະນູນ, ກົດໝາຍ, ສ້າງກອບກົດໝາຍໃຫ້ແກ່ພື້ນຖານເສດຖະກິດການຕະຫຼາດຕາມກຳນົດທິດສັງຄົມນິຍົມ ຂະຫຍາຍຕົວ. ລະບອບກຳມະສິດ, ໂຄງປະກອຍພາກສ່ວນເສດຖະກິດໄດ້ຮັບການປ່ຽນໃໝ່ໂດຍພື້ນຖານຈາກກຳມະສິດທົ່ວປວງຊົນ, ກຳມະສິດລວມໝູ່, ເສດຖະກິດແຫ່ງລັດ, ເສດຖະກິດລວມໝູ່ເປັນຕົ້ນຕໍ ຫັນໄປສູ່ຮູບການກຳມະສິດຫຼາຍພາກສ່ວນເສດຖະກິດ. ຕະຫຼາດປະເພດຕ່າງໆໄດ້ຮັບການສ້າງຕັ້ງຂຶ້ນ, ຂະຫຍາຍເປັນເອກະພາບໃນທົ່ວປະເທດ. ກົນໄກການຕະຫຼາດມີການຄຸ້ມຄອງຂອງລັດໄດ້ເຂົ້າສູ່ຊີວິດຕົວຈິງ. ວິສາຫະກິດ, ນັກທຸລະກິດມີຄວາມເປັນເຈົ້າການດຳເນີນທຸລະກິດ, ແກ່ງແຍ້ງຢ່າງສົດໃສເພື່ອພັດທະນາ”
ກ່ຽວກັບທິດທາງໜ້າທີ່ໃນໄລຍະທີ່ຈະເຖິງ, ທ່ານເລຂາທິການໃຫຍ່ ພັກກອມມູນິດຫວຽດນາມ ຫງວຽນຟູ້ຈ້ອງ ຢືນຢັນວ່າ ມະຕິສູນກາງພັກເທືອ່ທີ 6 ຊຸດທີ 10 ມາຮອດປະຈຸບັນ, ຍັງຄົງມີຄຸນຄ່າເໝືອນເດີມ, ໄລຍະທີ່ຜ່ານມາ, ໄດ້ຜັນຂະຫຍາຍປະຕິບັດເປັນຢ່າງດີ, ແລະ ໃນໄລຍະທີ່ຈະເຖິງ, ຄວນສືບຕໍ່ປະຕິບັດມະຕິນີ້ໃຫ້ດີກ່ວາເກົ່າ.