ທ່ານເອກອັກຄະລັດຖະທູດ ກູບາປະຈຳ ຫວຽດນາມ Herminio
ຫວນຄືນການພົວພັນອັນດີງາມລະຫວ່າງຫວຽດນາມ - ກູບາ
(vovworld) - ວັນທີ 19/4, ຢູ່ ຮ່າໂນ້ຍ, ສະມາຄົມມິດຕະພາບ ຫວຽດນາມ - ກູບາ ສົມທົບກັບກະຊວງປ້ອງກັນປະເທດ ຫວຽດນາມ ແລະ ສະຖານທູດ ກູບາປະຈຳ ຫວຽດນາມ, ຈັດຕັ້ງພິທີສະເຫຼີມສະຫຼອງ 55 ປີແຫ່ງວັນໄຊຊະນະ Giron ຂອງກູບາ (19/4/1961-19/4/2016). ກ່າວຄວາມເຫັນນະທີ່ນີ້, ພົນໂທ ຫວໍວັນຕ໋ວນ, ຮອງເສນາທິການໃຫຍ່ກອງທັບປະຊາຊົນ ຫວຽດນາມ, ເນັ້ນໜັກວ່າ, ໄຊຊະນະ Giron ກ່ອນນີ້ 55 ປີ ແມ່ນບາດລ້ຽວສຳລັບການຕໍ່ສູ້ປົດປ່ອຍຊາດຂອງບັນດາປະເທດ ອາເມລິກາລາຕີນ ແລະ ນຳການປະຕິວັດ ກູບາກ້າວຂຶ້ນບົນເສັ້ນທາງກໍ່ສ້າງສັງຄົມນິຍົມ. ພົນໂທ ຫວໍວັນຕ໋ວນ ຢືນຢັນວ່າ, ໃນ 55 ປີຜ່ານມາ, ສອງປະເທດຍາມໃດກໍ່ພ້ອມກັນສາມັກຄີຢ່າງສະໜິດແໜ້ນ, ຊ່ວຍເຫຼືອເຊິ່ງກັນ ແລະ ກັນໃນຂະບວນການປົດປ່ອຍຊາດ ແລະ ສ້າງສາປະເທດຊາດ.
ສ່ວນທ່ານເອກອັກຄະລັດຖະທູດ ກູບາປະຈຳ ຫວຽດນາມ Herminio ກໍ່ເນັ້ນໜັກວ່າ:
“ພວກຂ້າພະເຈົ້າຮູ້ສຶກເອກອ້າງທະນົງໃຈຕໍ່ສາຍພົວພັນອັນດີງາມລະຫວ່າງ ຫວຽດນາມ ແລະ ກູບາ, ສະແດງໃຫ້ເຫັນຄວາມໄວ້ເນື້ອເຊື່ອໃຈຢ່າງເດັດຂາດລະຫວ່າງສອງພັກ, ສອງລັດ ແລະ ປະຊາຊົນສອງປະເທດພວກເຮົາ. ພວກຂ້າພະເຈົ້າເຊື່ອໝັ້ນວ່າ, ໃນວິວັດແຫ່ງການຮັບເອົາຮູບແບບເສດຖະກິດ, ກູບາຈະສ້າງກາລະໂອກາດຫຼາຍຢ່າງໃຫ້ແກ່ການພັດທະນາການພົວພັນດ້ານເສດຖະກິດ, ການຄ້າ ແລະ ການຮ່ວມມືກັບຫວຽດນາມ. ສະຖານທູດ ກູບາຍາມໃດກໍ່ໃຫ້ບຸລິມະສິດສູງສຸດ ເພື່ອໜູນຊ່ວຍ ແລະ ເອົາໃຈໃສ່ເຖິງຜົນປະໂຫຍດ ແລະ ຄວາມກ້າວໜ້າທຸກຢ່າງໃນການພົວພັນສອງຝ່າຍ“.