ຫວຽດນາມສະເໜີບັນດາມາດຕະການຄຸ້ມຄອງມະຫາສະໝຸດຢູ່ກອງປະຊຸມໃຫຍ່ທະເລອາຊີຕາເວັນອອກ
(ກອງປະຊຸມໃຫຍ່ທະເລອາຊີຕາເວັນອອກຄັ້ງທີ 5)
(vovworld) – ໃນຂອບເຂດກອງປະຊຸມໃຫຍ່ທະເລອາຊີຕາເວັນອອກຄັ້ງທີ 5 ໂດຍ ຫວຽດນາມ ເປັນເຈົ້າພາບຈັດຕັ້ງ, ຕອນເຊົ້າວັນທີ 17/11 ຢູ່ດ່າໜັງ, ບັນດາຜູ້ແທນເຂົ້າຮ່ວມກອງປະຊຸມ, ກອງປະຊຸມສຳມະນາສາກົນດ້ວຍຫົວຂໍ້ “ທົດສະວັດຂອງການພົວພັນຄູ່ຮ່ວມມືໃນການພັດທະນາແບບຍືນຍົງຢູ່ເຂດທະເລອາຊີຕາເວັນອອກ - ຮ່ວມກຳລັງ ແລະ ຜົນງານ”. ທີ່ວາລະປະຊຸມຄົບຄະນະ, ທ່ານ ຈູຟ້າມງ້ອກຫຽນ, ລັດຖະມົນຕີຊ່ວຍວ່າການກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ມີບົດກ່າວຄຳເຫັນກ່ຽວກັບບັນດາບັນຫາ: ຄຸ້ມຄອງມະຫາສະໝຸດ ແລະ ເຂດຝັ່ງທະເລ; ຄຸ້ມຄອງມະຫາສະໝຸດ ແລະ ເຂດຝັ່ງທະເລໃນໂລກ ແລະ ກົນໄກປະສານງານ, ສົມທົບກັນໃນການຄຸ້ມຄອງມະຫາສະໝຸດ ແລະ ເຂດຝັ່ງທະເລແຫ່ງຊາດ ແລະ ພາກພື້ນຢູ່ພາກພື້ນທະເລອາຊີຕາເວັນອອກຕ່າງໆ. ຕາມທ່ານ ຈູຟ້າມງ້ອກຫຽນ ແລ້ວ ວິທີການສຳພັດເໝາະສົມທີ່ສຸດໃນການຄຸ້ມຄອງມະຫາສະໝຸດແມ່ນຄຸ້ມຄອງສັງລວມ. ທ່ານ ຈູຟ້າມງ້ອກຫຽນ ລັດຖະມົນຕີຊ່ວຍວ່າການກະຊວງຊັບພະຍາກອນ ແລະ ສິ່ງແວດລ້ອມເນັ້ນໜັກວ່າ:
“ຍ້ອນລັກສະນະສັງລວມ, ການຊີ້ນຳຕ້ອງໄດ້ຮັບການປະຕິບັດໃນລະດັບຊາດ ເພື່ອຮັບປະກັນບົດບາດປະສານງານ, ສົມທົບກັນເຄື່ອນໄຫວຂອງບັນດາກະຊວງ, ຂະແໜງການ ແລະ ທ້ອງຖິ່ນ. ສາມາດສ້າງຕັ້ງຄະນະກຳມະການແຫ່ງຊາດໜຶ່ງ ໂດຍການນຳ ລັດຖະບານເປັນຫົວໜ້າ ເພື່ອປະຕິບັດບົກບາດປະສານງານ, ສົມທົບກັນ ຫລື ມອບໃຫ້ພາກສ່ວນໜຶ່ງປະຕິບັດບົດບາດຄຸ້ມຄອງສັງລວມ. ເລື່ອງຄຸ້ມຄອງຕ້ອງຮັບປະກັນມີການເຂົ້າຮ່ວມ ແລະ ມີຄວາມຮັບຜິດຊອບຂອງທຸກຝ່າຍທີ່ກ່ຽວຂ້ອງຕາມກົນໄກຮ່ວມກັນຄຸ້ມຄອງ”.