ທ່ານປະທານປະເທດຫວຽດນາມ ເຈືອງເຕີ້ນຊາງ
|
(vovworld)- ປີ 2015 ແມ່ນປີທີ່ມີຫຼາຍເຫດການສຳຄັນຂອງປະເທດຊາດ. ນີ້ກໍແມ່ນປີທີ່ຫວຽດນາມເຊື່ອມໂຍງຢ່າງເລິກເຊິ່ງ ກ້ວາງຂວາງກັບບັນດາປະເທດໃນພາກພື້ນ ແລະ ໃນໂລກ. ຄວາມສະດວກກໍມີຫຼາຍ, ສິ່ງທ້າທາຍກໍໃຫຍ່ຫຼວງ, ດັ່ງນັ້ນຈຳເປັນຕ້ອງມີ ຄວາມສາມັກຄີ, ເປັນຈິດໜຶ່ງໃຈດຽວເພື່ອກ້າວຂຶ້ນຢ່າງໝັ້ນຄົງບົນເສັ້ນທາງເຊື່ອມໂຍງ ແລະ ພັດທະນາ, ປົກປັກຮັກສາອະທິປະໄຕຜືນແຜ່ນດິນຂອງປະເທດຊາດໃຫ້ໝັ້ນຄົງໜັກແໜ້ນ. ທ່ານປະທານປະເທດ ເຈືອງເຕີ້ນຊາງ ໄດ້ເນັ້ນໜັກຄືດັ່ງກ່າວໃນການຕອບສຳພາດນັກຂ່າວ VOV ເນື່ອງໃນໂອກາດຕົ້ນລະດູບານໃໝ່ປີມະແມ. ທ່ານປະທານປະເທດ ເຈືອງເຕີ້ນຊາງ ໃຫ້ຮູ້ວ່າ :
“ ການແກ່ງແຍ້ງຢ່າງຂ້ຽວຂາດນີ້ຍັງໜ້ອຍທີ່ສຸດ, ດັ່ງນັ້ນ ຂ້າພະເຈົ້າຄິດວ່າ ບໍ່ອາດຊັກຊ້າຄືໃນຊຸມປີທີ່ຜ່ານມາ, ພວກເຮົາຕ້ອງຮີບເຮັ່ງແກ່ງແຍ້ງ ເພື່ອເຮັດແນວໃດກຳລັງແກ່ງແຍ້ງຂອງຜະລິດຕະພັນຂອງວິີສາຫະກິດ ແລະຂອງທັງພື້ນຖານເສດຖະກິດຫວຽດນາມຕ້ອງເຂັ້ມແຂງ . ລະດັບຄວາມໄວແມ່ນສຳຄັນ, ບໍ່ອາດປະຕິບັດຊັກຊ້າເພື່ອຈະກາຍເປັນພື້ນຖານເສດຖະກິດທີ່ແຂງແຮງໄດ້, ໂດຍສະເພາະ ຂອບຂະໜາດຂອງຕົນນ້ອຍ ແຕ່ຕ້ອງເອົາໃຈໃສ່ໄປຄຽງຄູ່ກັບຄວາມໄວ, ພ້ອມທັງເອົາໃຈໃສ່ເຖິງຄຸນນະພາບ, ປະສິດທິຜົນຂອງຜະລິດຕະພັນຂອງວິສາຫະກິດ ແລະ ຂອງທັງພື້ນຖານເສດຖະກິດ”
ເມື່ອຕອບຄຳຖາມທີ່ວ່າ ໃນປີ 2014 ດ້ວຍເຫດການຈີຕັ້ງຮ້ານເຈາະນ້ຳມັນ ໄຮຢາງ 981 ຢ່າງຜິດກົດໝາຍໃນເຂດນ່ານທະເລຂອງຫວຽດນາມນັ້ນ, ໄດ້ປຸກລຸກກະແສຟອງຮັກຊາດຢ່າງແຮງກ້າ ແລະ ກວ້າງຂວາງ, ທ່ານປະທານປະເທດ ເຈືອງເຕີ້ນຊາງ ຖືວ່າ :
“ ກ່ອນອື່ນໝົດຕ້ອງຢືນຢັນສິ່ງໜຶ່ງທີ່ສຳຄັນທີ່ສຸດ, ນັ້ນແມ່ນອະທິປະໄຕແຫ່ງຊາດແມ່ນສິ່ງສັກກະຫຼະບູຊາ ແລະ ບໍ່ອາດລ່ວງລ້ຳໄດ້, ແນ່ນອນວ່າຊາວຫວຽດນາມ 90 ລ້ານຄົນ,ໃຜໆກໍຄິດເຊັ່ນນັ້ນ. ພວກເຮົາຫວັງມີຊີວິດໃນສັນຕິພາບ, ສາມັກຄີມິດຕະພາບກັບບັນດາປະເທດເພື່ອບ້ານໃກ້ຄຽງ ແລະ ບັນດາປະເທດໃນໂລກ ກໍແມ່ນແນວທາງຂອງພັກ ແລະ ລັດຫວຽດນາມ. ແຕ່ເມື່ອປະເທດຊາດຖືກລ່ວງລ້ຳອະທິປະໄຕນັ້ນ, ທົ່ວປວງຊົນຕ້ອງມີພັນທະປົກປັກຮັກສາ ອະທິປະໄຕທີ່ສັກກະຫຼະບູຊາ ຂອງປະເທດຊາດ”