ເກາະທຽມໂດຍ ຈີນ ກໍ່ສ້າງຜິດກົດໝາຍຢູ່ທະເລຕາເວັນອອກ
(ພາບ:
DigitalGlobe)
(vovworld) – ວັນທີ 1/7, ເມື່ອຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງ ຫວຽດນາມ ຕໍ່ເຫດການສານກຳມະການກໍລະນີຟ້ອງຮ້ອງຈີນຂອງ ຟີລິບປິນ ຈະອອກຄຳຕັດສິນສຸດທ້າຍໃນວັນທີ 12/7, ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ ຊີ້ແຈ້ງວ່າ: ຫວຽດນາມ ໄດ້ຮັບຂ່າວກ່ຽວກັບເລື່ອງສານກຳມະການຈະອອກຄຳຕັດສິນສຸດທ້າຍໃນວັນທີ 12/7/2016. ເຊິ່ງແມ່ນປະເທດກ່ຽວຂ້ອງໂດຍກົງເຖິງການຂັດແຍ້ງກັນຢູ່ທະເລຕາເວັນອອກ ແລະ ແມ່ນປະເທດສະມາຊິກສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982, ຫວຽດນາມ ຍາມໃດກໍ່ຕິດຕາມການຜັນແປຂອງກໍລະນີນີ້ຢ່າງໃກ້ຊິດ ແລະ ຫວັງວ່າສານກຳມະການຈະຍົກອອກຄຳຕັດສິນຍຸຕິທຳ ແລະ ພາວະວິໄສ, ສ້າງພື້ນຖານໃຫ້ແກ່ການແກ້ໄຂບັນດາການຂັດແຍ້ງກັນຢູ່ທະເລຕາເວັນອອກໂດຍສັນຕິວິທີ. ອີກເທື່ອໜຶ່ງ, ຫວຽດນາມຢັ້ງຢືນຫຼັກໝັ້ນຢ່າງສະເໝີຕົ້ນສະເໝີປາຍຂອງ ຫວຽດນາມ ແມ່ນສະໜັບສະໜູນເລື່ອງແກ້ໄຂການຂັດແຍ້ງກັນຢູ່ທະເລຕາເວັນອອກ ດ້ວຍບັນດາມາດຕະການສັນຕິພາບບົນພື້ນຖານກົດໝາຍສາກົນ, ສະໜັບສະໜູນເລື່ອງເຄົາລົບ ແລະ ປະຕິບັດທຸກໆຂໍ້ກຳນົດ ແລະ ລະບຽບການຂອງສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982 ຢ່າງຄົບຖ້ວນ.