(vovworld) – ຕອນບ່າຍວັນທີ 19/11, ຢູ່ສະພາສະຫະພາບເອີລົບ ຢູ່ນະຄອນຫຼວງ ບຣຸກແຊນ (ປະເທດ ແບນຊິກ), ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ລາຊະອານາຈັກ ແບນຊິກ ທັງເປັນຫົວໜ້າຄະນະຜູ້ແທນຫວຽດນາມ ປະຈຳ ສະຫະພາບ ເອີລົບ (ອີຢູ) ຟ້າມແຊງເຈົາ ແລະ ທ່ານເອກອັກຄະລັດຖະທູດ Stefano Sannino, ຫົວໜ້າຄະນະຜູ້ແທນ ອີຕາລີ ປະຈຳ ອີຢູ, ຜູ້ຕາງໜ້າ ອີຢູ ແລະ ບັນດາປະເທດສະມາຊິກເຊັນອະນຸສັນຍາ ສັນຍາແມ່ກ່ຽວກັບຄູ່ຮ່ວມມື ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ສະຫະພາບ ເອີລົບ ແລະ ບັນດາປະເທດສະມາຊິກ (PCA).
ທ່ານເອກອັກຄະລັດຖະທູດ Stefano Sannino ຕີລາຄາສັນຍາແມ່ນ PCA ຫວຽດນາມ - ອີຢູ ແມ່ນບາດກ້າວເດີນສຳຄັນໃນການຮັດແໜ້ນ ແລະ ເປີດກ້ວາງການພົວພັນລະຫວ່າງ 2 ຝ່າຍໃນຫຼາຍຂົງເຂດກ່ວາອີກ. ນີ້ກໍ່ແມ່ນກຳລັງໜູນຊຸກຍູ້ການສ້າງສຳເລັດການເຈລະຈາສັນຍາການຄ້າເສລີ ອີຢູ - ຫວຽດນາມ (FTA). ທ່ານ Sannino ຫວັງວ່າ FTA ຈະໄດ້ເຊັນສັນຍາໃນປີ 2015.
ທ່ານເອກອັກຄະລັດຖະທູດ ຟ້າມແຊງເຈົາ ເນັ້ນໜັກສັນຍາແມ່ PCA ຫວຽດນາມ - ອີຢູ ຈະປະກອບສ່ວນຮັດແໜ້ນການພົວພັນຮ່ວມມືລະຫວ່າງ 2 ຝ່າຍຍິ່ງກ່ວາອີກ.