(vovworld) – ຕອນເຊົ້າວັນທີ 3/6, ຢູ່ສຳນັກງານຫ້ອງວ່າການສະພາແຫ່ງຊາດ, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮູ່ງ ໄດ້ໃຫ້ການຕ້ອນຮັບຄະນະຜູ້ແທນສະມາຊິກສະພາຕຳ່ ອາເມລິກາ ໂດຍທ່ານ John Kline ສະມາຊີກພັກ ສາທາລະນາລັດ, ປະທານກຳມາທິການສຶກສາ ແລະ ແຮງງານ, ສະມາຊິກກຳມາທິການວຽກງານທະຫານ ສະພາຕຳ່ ອາເມລິກາ, ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ບັນຫາທະເລຕາເວັນອອກ ກັບ ເລື່ອງ ຈີນ ຕັ້ງຮ້ານເຈາະນ້ຳມັນ ໄຮຢາງ - 981 ໃນເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ, ກໍ່ຄືການພົວພັນລະຫວ່າງ 2 ປະເທດ, ສະພາແຫ່ງຊາດ ຫວຽດນາມ - ອາເມລິກາ, ແມ່ນຈຸດສຸມທີ່ໄດ້ຮັບການເຕື້ອງເຖິງທີ່ການພົບປະ. ທ່ານປະທານສະພາແຫ່ງຊາດ ຫງວຽນຊິງຮູ່ງ ຊີ້ແຈ້ງວ່າ: ພັກ, ລັດຖະບານ ແລະ ສະພາແຫ່ງຊາດ, ປະຊາຊົນ ຫວຽດນາມ ຢູ່ພາຍໃນ ແລະ ຕ່າງປະເທດສະແດງຢ່າງສະເໝີຕົ້ນສະເໝີປາຍທັດສະນະເດັດດ່ຽວຕໍ່ສູ້ປົກປັກຮັກສາອະທິປະໄຕ, ຜືນແຜ່ນດິນບົນພື້ນຖານກົດໝາຍສາກົນ, ພ້ອມທັງຢືດໝັ້ນຕໍ່ສູ້, ຮັກສາສະພາບແວດລ້ອມສັນຕິພາບ, ສະຖຽນລະພາບເພື່ອພັດທະນາປະເທດຊາດ, ຮຽກຮ້ອງໃຫ້ ຈີນ ຖອນຮ້ານເຈາະນ້ຳມັນ ໄຮຢາງ - 981 ອອກຈາກເຂດນ່ານທະເລຂອງ ຫວຽດນາມ. ສ່ວນທ່ານ John Kline ໃຫ້ຮູ້ວ່າ: ອາເມລິກາ ສະໜັບສະໜູນທັດສະນະ ແລະ ຫຼັກໝັ້ນຂອງ ຫວຽດນາມ ໃນການຕໍ່ສູ້ປົກປັກຮັກສາອະທິປະໄຕ ແລະ ປາດຖະໜາຢາກໃຫ້ບັນດາຝ່າຍມີມາດຕະການແກ້ໄຂສະພາບການໃນປະຈຸບັນຜ່ານທາງການທູດ, ສັນຕິພາບ.
ໃນໄລຍະຈະມາເຖິງ, 2 ຝ່າຍຈະເພີ່ມທະວີການຮ່ວມມືໃນບັນດາຂົງເຂດ, ພິເສດແມ່ນວິທະຍາສາດ, ການສຶກສາ, ສາທາລະນະສຸກ... ກໍ່ຄືສືບຕໍ່ສົມທົບກັນແກ້ໄຂຜົນຮ້າຍຢ່ອນຫຼັງຈາກທາດຜິດສີສົ້ມ/ ດີໂອຊີນ, ຊອກຫາຊາວຕ່າງປະເທດຫາຍສາບສູນພາຍຫຼັງສົງຄາມຢູ່ ຫວຽດນາມ. ທ່ານ John Kline ຢືນຢັນ ຝ່າຍ ອາເມລິກາ ຍາມໃດກໍ່ເອົາໃຈໃສ່ຊຸກຍູ້ການຮ່ວມມືທາງດ້ານການຄ້າ ກັບ ຫວຽດນາມ ແລະ ເຊັນສັນຍາການຄ້າຂ້າມ ປາຊີຟິກ (TPP) ໂດຍໄວ.