(ພາບປະກອບ)
(vovworld) - ລາຍການຜ່າຕັດມະນຸດສະທຳມີຊື່ວ່າ: “ເພື່ອຄວາມໄຝ່ຝັນ” ໄດ້ດຳເນີນໃນລະຫວ່າງວັນທີ 05 – 19/03 ຢູ່ໂຮງໝໍຮົ່ງງ້ອກ ຮ່າໂນ້ຍ. ລາຍການມີການເຂົ້າຮ່ວມຂອງຄະນະທ່ານໝໍ 5 ຄົນ, ໃນນັ້ນມີທ່ານໝໍ ຫວຽດນາມ 1 ຄົນ ແລະ ທ່ານໝໍ ອາເມລິກາ 4 ຄົນ. ໃນຂອບເຂດຂອງລາຍການ, ບັນດາທ່ານໝໍໄດ້ເຂົ້າຮ່ວມການກວດພະຍາດ, ແລກປ່ຽນວິທີຕິດຕາມ, ປິ່ນປົວພະຍາດໃຫ້ຄົນພິການ 50 ຄົນ ນີ້ແມ່ນລາຍການທີ່ມີຄວາມໝາຍ ດ້ວຍຄວາມຫວັງຈະນຳມາໃຫ້ຄົນພິການໃບໜ້າສົມປະກອບ, ຊ່ວຍເຂົາເຈົ້າມີຊີວິດການເປັນຢູ່ເປັນປົກກະຕິ, ແຂງແຮງກ່ວາ. ຕາມກົມປົກປັກຮັກສາສົ່ງເສີມເດັກນ້ອຍ (ກະຊວງແຮງງານ - ທະຫານເສຍອົງຄະ ແລະ ສັງຄົມ) ແລ້ວ, ຢູ່ ຫວຽດນາມ ມີເດັກນ້ອນພິການປະມານ 1,3 ລ້ານເດັກ; ໃນນັ້ນ ເດັກຖືກສົມແວ່ງ, ປາກວິກແມ່ນຫລາຍພໍສົມຄວນ. ຢູ່ ຫວຽດນາມ ມີຫລາຍລາຍການຜ່າຕັດມະນຸດສະທຳ ຊ່ວຍໃຫ້ເດັກສົມແວ່ງປາກວິກ ໂດຍຫົວໜ່ວຍການແພດ, ສົ່ງເສີມເດັກນ້ອຍ, ອົງການຈັດຕັ້ງບໍ່ຂຶ້ນກັບລັດຖະບານຫລາຍແຫ່ງຮ່ວມມືກັບນັກຊ່ຽວຊານຕ່າງປະເທດປະຕິບັດໂດຍບໍ່ເສຍຄ່າ.