ຫວຽດນາມ-ຮົງກົງລົງ ນາມໃນອະນຸສັນຍາ ເພີ່ມເຕີມໃຫ້ແກ່ ສັນຍາຫລີກເວັ້ນການ ເກັບພາສີຊ້ອນ
(ພາບ: TTXVN)
(vovworld)- ຕອນບ່າຍວັນທີ 13/1, ຢູ່ຮົງກົງ (ປະເທດຈີນ), ລັດຖະບານຫວຽດນາມ ແລະ ອຳນາດການປົກຄອງເຂດປົກຄອງພິເສດຮົງກົງ ຂອງຈີນ ໄດ້ລົງນາມອະນຸສັນຍາເພີ່ມເຕີມໃຫ້ແກ່ “ສັນຍາຫລີກເວັນການເກັບພາສີຊ້ອນ ແລະ ສະກັດກັ້ນການໜີພາສີ“. ທ່ານຮ່ວາງແອງຕວນ ຮອງລັດຖະມົນຕີກະຊວງການເງິນຫວຽດນາມ ແມ່ນຜູ້ຕາງໜ້າໃຫ້ຝ່າຍຫວຽດນາມ ແລະ ສາດສະດາຈານ K.C.Chan ຫົວໜ້າກົມການເງິນ-ເງິນຕາຮົງກົງ ແມ່ນຜູ້ຕາງໜ້າໃຫ້ຝ່າຍຮົງກົງ ໄດ້ລົງນາມໃນອະນຸສັນຍາສະບັບດັ່ງກ່າວ. ອະນຸສັນຍາເພີ່ມເຕີມໄດ້ຍົກລະດັບຂໍ້ມາດຕາແລກປ່ຽນຂໍ້ມູນຂ່າວສານລະບຸໄວ້ໃນສັນຍາ ຊື່ງຮຽກຮ້ອງໃຫ້ສອງຝ່າຍຕ້ອງດຳເນີນການແລກປ່ຽນຂໍ້ມູນຂ່າວສານ ຖ້າຫາກວ່າໄດ້ຮັບການຮຽກຮ້ອງ ນັບທັງໃນກໍລະນີບໍ່ກ່ຽວຂ້ອງເຖິງບັນຫາພາສີ. ພາຍຫຼັງລົງນາມ, ສອງຝ່າຍຕ້ອງໃຫ້ສັດຕະຍາບັນອະນຸສັນຍາເພີ່ມເຕີມສະບະນີ້ ແລະ ແຈ້ງໃຫ້ກັນຊາບຈຶ່ງຈະມີຜົນສັກສິດ./.