ຫວຽດນາມ-ຮຸ່ງກາຣີ ເພີ່ມທະວີການຮ່ວມມື ດ້ານເສດຖະກິດ
ພາບປະກອບ |
(vovworld)- ຕອນເຊົ້າວັນທີ 31/10, ຢູ່ຮ່າໂນ້ຍ, ທ່ານນາງ Ho Thi Kim Thoa ຮອງລັດຖະມົນຕີກະຊວງອຸດສາຫະກຳການຄ້າ, ປະທານຄະນະກຳມາທິການຫວຽດນາມ ແລະ ທ່ານ Szijjarto Peter, ລັດຖະມົນຕີຮັບຜິດຊອບກິດຈະການການຕ່າງປະເທດ ແລະ ການພົວພັນເສດຖະກິດກັບຕ່າງປະເທດ, ປະທານຄະນະກຳມາທິການ ຮຸ່ງກາຣີ ໄດ້ເປັນປະທານຮ່ວມກອງປະຊຸມຄົບຄະນະຄັ້ງທີ່ 4 ຄະນະກຳມາທິການປະສົມກ່ຽວກັບການຮ່ວມມືເສດຖະກິດຫວຽດນາມ-ຮຸ່ງກາຣີ. ທີ່ກອງປະຊຸມ 2 ຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດຂອງແຕ່ລະປະເທດ ແລະ ຮັບຮູ້ບັນດາໝາກຜົນແຫ່ງການຮ່ວມມືໃນທຸກຂົງເຂດໃນໄລຍະທີ່ຜ່ານມາ. 2 ຝ່າຍໄດ້ເປັນເອກະສັນກັນເພີ່ມທະວີການຮ່ວມມືໃນຂົງເຂດເສດະກິດ, ການລົງທຶນເພື່ອເທົ່າທຽມກັບຄວາມສາມາດບົ່ມຊ້ອນ ແລະ ທ່າແຮງຂອງແຕ່ລະປະເທດ. ທ່ານ Szijjarto Peter ຍັງຢືນຢັນວ່າ ດ້ວຍການກຳນົດທິດນະໂຍບາຍພັດທະນາເສດຖະກິດ-ການເມືອງແມ່ນມຸ່ງໄປສູ່ທາງທິດຕາເວັນອອກ, ລັດຖະບານຮຸ່ງກາຣີຖືຫວຽດນາມເປັນຄູ່ຮ່ວມມືຍຸດທະສາດ ແລະ ຈະຫັນການພົວພັນຮ່ວມມືກັບຫວຽດນາມໃຫ້ມີຄວາມຂະຫຍັນຂັ່ນເຄື່ອນໃນຫຼາຍຂົງເຂດ. ທີ່ກອງປະຊຸມຄັ້ງນີ້, 2 ຝ່າຍໄດ້ລົງນາມໃນເອກະສານບາງສະບັບຄື : ບົດບັນທຶກຄວາມເຂົ້າໃຈລະຫວ່າງກົມສົ່ງເສີມການຄ້າຫວຽດນາມ; ສັນຍາການຄ້າລະຫວ່າງກະຊວງຕຳຫຼວດຫວຽດນາມ ແລະ ບໍລິສັດ Pointsystem House; ບົດບັນທຶກຄວາມເຂົ້າໃຈລະຫວ່າງຫ້ອງການການຄ້າ ແລະ ອຸດສາຫະກຳຂອງ 2 ປະເທດ............