(vovworld) – ຕາມແຫຼ່ງຂ່າວຈາກບັນດາອົງການທີ່ມີໜ້າທີ່ຮັບຜິດຊອບ ຫວຽດນາມ ແລ້ວ, ແຕ່ຕົ້ນເດືອນ 5/2014, ມີກຳ່ປັ່ນຫາປາຂອງ ຫວຽດນາມ ຫຼາຍລຳຖືກບັນດາກຳ່ປັນຂອງ ຈີນ ກຳຈັດ, ຂັບໄລ່, ກໍ່ຄວາມເສຍຫາຍກ່ຽວກັບຊັບສິນ. ຍິ່ງກ່ວານັ້ນ, ກຳລັງມີໜ້າທີ່ຮັບຜິດຊອບຂອງ ຈີນ ຍັງມີການກະທຳທົບຕີ, ກໍ່ບາດແຜ, ນາບຂູ່ຊີວິດອີນຊີຂອງ ຊາວປະມົງ ຫວຽດນາມ.
ວັນທີ 27/5, ເມື່ອຕອບສຳພາດຕໍ່ນັກຂ່າວ ຫວຽດນາມ ແລະ ສາກົນ ຫຼາຍຄົນກ່ຽວກັບປະຕິກິລິຍາຂອງ ຫວຽດນາມ ຕໍ່ບັນດາເຫດການດັ່ງກ່າວ, ໂຄສົກກະຊວງການຕ່າງປະເທດ ຫວຽດນາມ ທ່ານ ເລຫາຍບິ່ງ ຊີ້ແຈ້ງວ່າ:
“ບັນດາການກະທຳດັ່ງກ່າວຂອງ ຈີນ ໄດ້ລະເມີດອະທິປະໄຕ, ສິດອະທິປະໄຕ ແລະ ສິດອຳນາດສານຂອງ ຫວຽດນາມ ຢູ່ທະເລຕາເວັນອອກ, ໄປຝືນກັບຈິດໃຈຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ສືບຕໍ່ເຮັດໃຫ້ສະພາບການຢູ່ທະເລຕາເວັນອອກສັບສົນຂຶ້ນຕື່ມ
ອີກເທື່ອໜຶ່ງ, ຫວຽດນາມ ຮຽກຮ້ອງໃຫ້ຝ່າຍ ຈີນ ຢຸດຕິບັນດາການເຄື່ອນໄຫວໄຮ້ມະນຸດສະທຳ, ກໍ່ຜົນຮ້າຍເຖິງຊີວິດອີນຊີ, ຊັບສິນ ແລະ ຜົນປະໂຫຍດຊອບທຳຂອງຊາວປະມົງ ຫວຽດນາມ ຢ່າງຮ້າຍແຮງ, ເຄົາລົບກົດໝາຍສາກົນ ພ້ອມທັງປັບໄໝລົງໂທດບັນດາຜູ້ທີ່ກ່ຽວຂ້ອງເຖິງເຫດການນີ້, ບໍ່ປະໃຫ້ເກີດບັນດາການກະທຳຄ້າຍຄືກັນ ແລະ ຊົດເຊີຍໃຫ້ຊາວປະມົງ ຫວຽດນາມ ຢ່າງເໝາະສົມ”.
ວັນທີ 27/5/2014, ຜູ້ຕາງໜ້າກົມກົງສູນ, ກະຊວງການຕ່າງປະເທດ ຫວຽດນາມ ໄດ້ຮຽກຜູ້ຕາງໜ້າສະຖານທູດ ຈີນ ປະຈຳ ຮ່າໂນ້ຍ ມາເພື່ອສົ່ງຈົດໝາຍຄັດຄ້ານທາງການ.