ໂຄສົກກະຊວງການຕ່າງປະເທດ ຫວຽດນາມ ເລຫາຍບີງ
ພາບ:motthegioi.vn
|
(vovworld)-ທີ່ການປະຊຸມຂ່າວນັດສາມັນຂອງກະຊວງການຕ່າງປະເທດໃນວັນທີ 17/3, ເມື່ອຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງຫວຽດນາມ ຕໍ່ຫນ້າບັນດາການເຄື່ອນໄຫວມໍ່ມານີ້ຂອງຈີນ ຢູ່ ໝູ່ເກາະ ຮ່ວາງຊາ ແລະ ເຈື່ອງຊາ ຂອງຫວຽດນາມ, ໂຄສົກກະຊວງການຕ່າງປະເທດ ຫວຽດນາມ ເລຫາຍບີງ ຊີ້ແຈ້ງວ່າ:
“ຫວຽດນາມຢັ້ງຢືນອີກຄັ້ງຫນຶ່ງອະທິປະໄຕທີ່ບໍ່ອາດປະຕິເສດໄດ້ສຳລັບໝູ່ເກາະຮ່ວາງຊາ ກໍຄືໝູ່ເກາະເຈື່ອງຊາ. ເລື່ອງ ຈີນ ສືບຕໍ່ຖົມດິນ, ເປີດກວ້າງ, ກໍ່ສ້າງ ແລະ ເຮັດໃຫ້ປ່ຽນແປງສະພາບເດີມຂອງໝູ່ເກາະຮ່ວາງຊາ ແລະ ຈັດຕັ້ງການທ່ອງທ່ຽວຢູ່ໝູ່ເກາະນີ້, ໂດຍບໍ່ຫົວຊາຕໍ່ຄວາມວິຕົກກັງວົນຂອງຫວຽດນາມ ແລະ ປະຊາຄົມໂລກ ແມ່ນການກະທຳລະເມີດອະທິປະໄຕຂອງຫວຽດນາມສຳລັບໝູ່ເກາະຮ່ວາງຊາ. ບັນດາການກະທຳນີ້ບໍ່ພຽງແຕ່ໄປຝືນກັບຄວາມຮັບຮູ້ລວມຂອງການນຳຂັ້ນສູງສອງປະເທດ, ລະເມີດຂໍ້ຕົກລົງກ່ຽວກັບບັນດາຫລັກການພື້ນຖານໃນການຊີ້ນຳແກ້ໄຂບັນຫາບົນທະເລ ຫວຽດນາມ - ຈີນ, ສົ່ງຜົນສະທ້ອນຢ່າງຫຍໍ້ທໍ້ເຖິງການພົວພັນສອງຝ່າຍເທົ່ານັ້ນ ຫາກຍັງລະເມີດກົດໝາຍສາກົນ ແລະ ຖະແຫລງການປະພຶດຂອງບັນດາຝ່າຍຢູ່ທະເລຕາເວັນອອກ ຊື່ງໄດ້ລົງນາມເມື່ອປີ 2002 ລະຫວ່າງ ອາຊຽນ ແລະ ຈີນ, ເຮັດໃຫ້ສະພາບການຢູ່ທະເລຕາເວັນອອກສັບສົນຂຶ້ນຕື່ມ. ຫວຽດນາມ ເດັດດ່ຽວປະຕິເສດ ແລະ ຄັດຄ້ານຢ່າງແຮງຕໍ່ບັນດາການກະທຳດັ່ງກ່າວຂອງຈີນ ແລະ ຮຽກຮ້ອງຈີນ ຢຸດຕິຢ່າງທັນທີ ແລະ ບໍ່ມີການກະທຳຄ້າຍຄືກັນອີກ, ເຄົາລົບອະທິປະໄຕຂອງຫວຽດນາມ ແລະ ກົດໝາຍສາກົນ, ມີການກະທຳແທດຈິງປະກອບສ່ວນເຂົ້າໃນການພັດທະນາການພົວພັນຮ່ວມມືມິດຕະພາບລະຫວ່າງ ຫວຽດນາມ ແລະ ຈີນ ກໍຄືຮັກສາສັນຕິພາບ, ສະຖຽນລະພາບຢູ່ ທະເລຕາເວັນອອກ.”