ຫວຽດນາມເຂົ້າຮ່ວມກອງ ປະຊຸມສຸດຍອດຄວາມ ໝັ້ນຄົງປອດໄພດ້ານນິວ ຄະເລຍຄັ້ງທີ 3
(ພາບ: baodautu.vn)
(vovworld)-ຕອນຄ່ຳວັນທີ 23/3 (ຕາມເວລາຫວຽດນາມ), ຢູ່ລາໄຮ ປະເທດໂຮນລັງ ໄດ້ໄຂກອງປະຊຸມສຸດຍອດຄວາມໝັ້ນຄົງປອດໄພດ້ານນິວຄະເລຍຄັ້ງທີ 3 ໂດຍມີການເຂົ້າຮ່ວມຂອງ 53 ປະເທດ ແລະ 5 ອົງການຈັດຕັ້ງສາກົນ, ໃນນັ້ນມີການນຳຂັ້ນສູງ 40 ທ່ານ. ຄະນະຜູ້ແທນຫວຽດນາມ ໂດຍທ່ານນາຍົກລັດຖະມົນຕີ ຫງວຽນເຕິນຢຸງ ນຳໜ້າເຂົ້າຮ່ວມກອງປະຊຸມ ແລະ ມີບົດກ່າວປາໄສສຳຄັນເພື່ອຢັ້ງຢືນນະໂຍບາຍສະເໝີຕົ້ນສະເໝີປາຍຂອງຫວຽດນາມ ກ່ຽວກັບການນຳໃຊ້ພະລັງງານນິວເຄຼຍເພື່ອຈຸດປະສົງສັນຕິພາບ, ຮັບປະກັນຄວາມໝັ້ນຄົງປອດໄພດ້ານນິວເຄຼຍ ແລະ ມີຄວາມຮັບຜິດຊອບຕໍ່ປະຊາຄົມໂລກ. ທ່ານນາຍົກລັດຖະມົນຕີ ຫງວຽນເຕິນຢຸງ ພ້ອມກັບບັນດາປະມຸກລັດ, ການນຳລັດຖະບານປະເທດຕ່າງໆ ສຸມໃສ່ແລກປ່ຽນບັນດາມາດຕະການເພີ່ມທະວີຄວາມໝັ້ນຄົງປອດໄພດ້ານນິວຄະເລຍ ຫລຸດຜ່ອນໄພນາບຂູ່ກໍ່ການຮ້າຍນິວເຄຼຍ ແລະ ຕີລາຄາຄືນບັນດາໝາກຜົນບັນລຸໄດ້ໃນການປະຕິບັດບັນດາຄຳໝັ້ນສັນຍາທີ່ກອງປະຊຸມສຸດຍອດຄັ້ງທີ 1 ຢູ່ວໍຊິງຕັນ ໃນປີ 2010 ແລະ ກອງປະຊຸມຄັ້ງທີ 2 ຢູ່ເຊີອຸນ ໃນປີ 2012. ທ່ານນາຍົກລັດຖະມົນຕີ ຫງວຽນເຕິນຢຸງ ພອ້ມກັບບັນດາການນຳຂັ້ນສູງກໍ່ປຶກສາຫາລື ແລະ ວາງອອກບັນດາການກຳນົດທິດໃຫ່ຍ ແລະ ບັນດາມາດຕະການລະອຽດໃນ ໄລຍະຈະມາເຖິງເພື່ອແນໃສ່ຮັບປະກັນວາມໝັ້ນຄົງປອດໄພດ້ານນິວຄະເລຍໃນທົ່ວໂລກ.
ກ່ອນເຂົ້າຮ່ວມວາລະໄຂກອງປະຊຸມ, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ໃຫ້ການຕ້ອນຮັບການນຳກຸ່ມບໍລິສັດ Danmen ຊື່ງແມ່ນກຸ່ມບໍລິສັດຕໍ່ກຳປັ່ນໃຫ່ຍກ່ວາໝູ່ຂອງໂຮນລັງ ແລະ ແມ່ນໜຶ່ງໃນບັນດາກຸ່ມບໍລິສັດຕໍ່ກຳປັ່ນອັບດັບໜຶ່ງຂອງເອີລົບ ແລະ ໃນໂລກ./.