ທ່ານພົນໂທ ຫງວຽນຈີວິ້ງ, ຮອງລັດຖະມົນຕີກະຊວງປ້ອງກັນປະເທດ,
ຫົວໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ
|
Vovworld- ກອງປະຊຸມເຈົ້າໜ້າທີ່ປ້ອງກັນຊາດຂັ້ນສູງບັນດາປະເທດອາຊຽນ ເປີດກ້ວາງ (ADSOM+) ໄດ້ຖືກໄຂຂຶ້ນໃນວັນທີ 4/4 ຢູ່ບຣູໄນ ໂດຍມີການເຂົ້າຮ່ວມຂອງບັນດາຮອງລັດຖະມົນຕີ, ເລຂາທິການໃຫຍ່ກະຊວງປ້ອງກັນປະເທດ, ຜູ້ຕາງໜ້າທີ່ມາຈາກ 18 ປະເທດພາຄີ ADSOM+ ( 10 ປະເທດສະມາຊິກ ອາຊຽນ ແລະ 8 ປະເທດຄູ່ຮ່ວມມືເຈລະຈາຂອງອາຊຽນຄື ຈີນ, ຍີປຸ່ນ, ສ.ເກົາຫຼີ, ລັດເຊຍ, ອາເມລິກາ, ອີນເດຍ, ອົດສະຕາລີ ແລະ ນິວຊີແລນ ພ້ອມກັບຜູ້ຕາງໜ້າຄະນະເລຂາອາຊຽນ. ກອງປະຊຸມໄດ້ເລັ່ງໃສ່ແລກປ່ຽນກ່ຽວກັບສະພາບການປ້ອງກັນຊາດ, ປ້ອງກັນຄວາມສະຫງົບໃນພາກພື້ນ, ເນັ້ນໜັກເຖິງສະພາບເຄັ່ງຕຶງໃນແຫຼມເກົາຫຼີ, ຄວາມວິຕົກກັງວົນຕໍ່ບັນຫາຄວາມສະຫງົບ, ຄວາມປອດໄພໃນການເດີນທະເລ ກໍຄືບັນຫາພິພາດອະທິປະໄຕ, ຊັບພະຍາກອນຢູ່ບັນດາເຂດທະເລ, ໃນນັ້ນມີເຂດທະເລຕາເວັນອອກ. ກ່າວຄຳເຫັນທີ່ກອງປະຊຸມ, ທ່ານພົນໂທ ຫງວຽນຈີວິ້ງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຜູ້ແທນ ຫວຽດນາມຢືນຢັນວ່າ ໂດຍແມ່ນປະເທດທີ່ມີຝັ່ງແຄມທະເລຕາເວັນອອກທີວຢຽດ, ຫວຽດນາມຍາມໃດກໍເອົາໃຈໃສ່ ແລະ ມີຄວາມຮັບຜິດຊອບໃນການຮັບປະກັນສັນຕິພາບ, ສະຖຽນລະພາບຢູ່ແຫ່ງນີ້. ຫວຽດນາມໃຫ້ຄຳໝັ້ນສັນຍາ ແລະ ສະເໜີບັນດາຝ່າຍຈົ່ງແກ້ໄຂການພິພາດໂດຍສັນຕິວິທີ ບົນພື້ນຖານການເປີດເຜີຍ, ຄວາມກະຈ່າງແຈ້ງ, ເຄົາລົບປະຕິບັດບັນດາຄຳໝັ້ນສັນຍາສາກົນ ແລະ ພາກພື້ນ, ໃນນັ້ນມີສົນທິສັນຍາ ສະຫະປະຊາຊາດກ່ຽວກັບກົດໝາຍທະເລປີ 1982, ຖະແຫຼງການກ່ຽວກັບວິທີການປະພຶດຂອງຝ່າຍຕ່າງໆຢູ່ທະເລຕາເວັນອອກ(DOC) , ຖະແຫຼງການ 6 ຂໍ້ຂອງອາຊຽນກ່ຽວກັບບັນຫາ ທະເລຕາເວັນອອກປີ 2012 ແລະ ພ້ອມກັນມານະພະຍາຍາມເພື່ອບັນລຸປະມວນລະບຽບການຢູ່ ທະເລຕາເວັນອອກ (COC). ຫວຽດນາມໄດ້ ແລະ ຈະສືບຕໍ່ພະຍາຍາມຢ່າງສູງສຸດ ເພື່ອຮັບປະກັນເສລີພາບ, ຄວາມປອດໄພ ແລະ ຄວາມໝັ້ນຄົງໃນການເດີນ ທະເລສາກົນ ແລະ ເຂດໄຫຼ່ທະວີບໂດຍຫວຽດນາມຄຸ້ມຄອງ. ຫວຽດນາມສະເໜີບັນດາປະເທດ ບໍ່ນຳໃຊ້ອາວຸດໃນການປະພຶດຕໍ່ກັບຊາວປະມົງຢ່າງເດັດຂາດ ແລະ ບັນດາຜູ້ອອກແຮງງານຢ່າງສັນຕິພາບບັນທະເລ. ໃນຂະນະນັ້ນ, ທ່ານ Mark lippert , ຜູ້ຊ່ວຍວຽກລັດຖະມົນຕີກະຊວງປ້ອງກັນປະເທດ ອາເມລິກາ , ຮັບຜິດຊອບກ່ຽວກັບອາຊີປາຊີຟິກໃຫ້ຮູ້ວ່າ : ອາເມລິກາສະໜັບສະໜູນ ຮັບປະກັນເສລີພາບໃນການເດີນເຮືອ ແລະ ການຈໍລະຈອນບັນທະເລ, ສະໜັບໜູນປະມວນລະບຽບການຢູ່ ທະເລຕາເວັນອອກລະຫວ່າງ ອາຊຽນ-ຈີນ.