ຫວຽດນາມເຂົ້າຮ່ວມກອງປະຊຸມຂັ້ນສູງຄັ້ງທີ17ຂະບວນການບໍ່ຮ່ວມກຸ່ມ
ທ່ານປະທານາທິບໍດີ ເວເນເຊລາ ຕ້ອນຮັບທ່ານ ຟ້າມບີງມິງ
(ພາບ: BNG)
(vovworld) - ທີ່ກອງປະຊຸມຂັ້ນສູງຄັ້ງທີ 17 ຂະບວນການບໍ່ຮ່ວມກຸ່ມດ້ວຍຫົວຂໍ້ “ສັນຕິພາບ, ອະທິປະໄຕ ແລະ ສາມັກຄີ ເພື່ອພັດທະນາ” ເຊິ່ງຫາກໍ່ດຳເນີນຢູ່ ເວເນເຊລາ. ທ່ານຮອງນາຍົກລັດຖະມົນຕີ ຟ້າມບີງມິງ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ ແລະ ມີບົດກ່າວປາໄສທີ່ສຳຄັນ ສະແດງໃຫ້ເຫັນຄວາມສຳຄັນຂອງ ຫວຽດນາມ ທີ່ມີຕໍ່ຂະບວນການ, ພ້ອມທັງ ເປັນການສະແດງຄວາມສະໜັບສະໜູນນ້ຳໃຈສະມາຄີກັບປະເທດເຈົ້າພາບ ເວເນເຊລາ ແລະ ບັນດາປະເທດເພື່ອນມິດທີ່ເປັນມູນເຊື້ອຂອງ ຫວຽດນາມ ຢູ່ ອາເມລິກາລາຕີນ ເວົ້າລວມ. ເນັ້ນໜັກເຖິງບັນດາການປະກອບສ່ວນຂອງຄະນະ ຫວຽດນາມ ທີ່ກອງປະຊຸມຄັ້ງນີ້ ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຮ່າກີມງອກ ໃຫ້ຮູວ່າ ຫວຽດນາມ ໄດ້ປະກອບທັດສະນະຢ່າງຕັ້ງໜ້າ ດ້ວຍຈຸດປະສົງຮັກສາທິດທາງຂອງຂະບວນການໃຫ້ໝັ້ນຄົງໃນສະພາບສາກົນສັບສົນຄືໃນປະຈຸບັນ. ຫວຽດນາມ ກໍ່ໄດ້ຕັ້ງໜ້າສະໜັບສະໜູນແລກປ່ຽນກັບປະເທດເຈົ້າພາບ ບົນຈິດໃຈສ້າງສັນ ກົງໄປກົງມາ ເພື່ອແກ້ໄຂບັນດາບັນຫາ, ຄວາມແຕກຕ່າງກັນທີ່ເກີດຂຶ້ນໃນວິວັດການກອງປະຊຸມ, ບົນພື້ນຖານບັນດາຫຼັກການຂອງຂະບວນການ, ປະກອບສ່ວນເຂົ້າໃນຜົນສຳເລັດຂອງກອງປະຊຸມ.