ຄະນະຜູ້ແທນຫວຽດນາມເຂົ້າຮ່ວມກອງປະຊຸມ
ສຳມະນາອາຊຽນ
ພາບ:baomoi.com
|
(vovworld)- ກອງປະຊຸມສຳມະນາ ອາຊຽນກ່ຽວກັບໂຈນສະຫລັດແລະກໍການຮ້າຍບົນທະເລ ໄດ້ດຳເນີນໄປໃນວັນທີ 24-26/2 ຢູ່ ນະຄອນຫລວງ ກົວລາລຳເປີ ຂອງມາເລເຊຍ ໂດຍມີການເຂົ້າຮ່ວມຂອງຜູ້ແທນ 64 ຄົນມາຈາກ 10 ປະເທດ ສະມາຊິກ ອາຊຽນ. ໃນບົດປະກອບຄຳເຫັນທີ່ກອງປະຊຸມສຳມະນາ ເມື່ອຕອນບ່າຍວັນທີ 25/2, ພັນຕີ ເຈີນທິກີມງວຽດ, ຮອງຫົວຫນ້າພະແນກຮ່ວມມືຫລາຍຝ່າຍ, ກົມພົວພັນຕ່າງປະເທດ, ກະຊວງຕຳຫລວດຫວຽດນາມ, ຕາງຫນ້າໃຫ້ຄະນະຜູ້ແທນຫວຽດນາມ ໃຫ້ຮູ້ວ່າ: ຄວາມສະຫງົບປອດໄພການເດີນທະເລໃນພາກພື້ນ ນັບມື້ນັບສັບສົນ ດ້ວຍການບຸກໂຈມຕີໂຈນສະຫລັດນັບມື້ນັບຮ້າຍແຮງ, ມີທ່າອ່ຽງເພີ່ມຂຶ້ນ ສົ່ງຜົນສະທ້ອນເຖິງຄວາມສະຫງົບປອດໄພໃນພາກພື້ນ. ຕໍ່ຫນ້າສະພາບການດັ່ງກ່າວ, ບັນດາປະເທດສະມາຊິກ ອາຊຽນ ຄວນເພີ່ມທະວີການແບ່ງປັນຂໍ້ມູນຂ່າວສານ, ບົດຮຽນກ່ຽວຂ້ອງເຖິງການເຄື່ອນໄຫວຕ້ານໂຈນສະຫລັດ ແລະ ກໍ່ການຮ້າຍ, ຈັດຕັ້ງບັນດາລາຍການສ້າງກຳລັງຄວາມສາມາດກ່ຽວກັບການຕ້ານໂຈນສະຫລັດ ແລະ ກໍການຮ້າຍໃຫ້ແກ່ບັນດາປະເທດສະມາຊິກ, ເພີ່ມທະວີການຝືກຊ້ອມຮ່ວມຕ້ານໂຈນສະຫລັດ ແລະ ກໍ່ການຮ້າຍບົນທະເລ. ໄລຍະຜ່ານມາ, ຫວຽດນາມ ຕັ້ງຫນ້າເປັນເຈົ້າການໃນການປ້ອງກັນ ຕ້ານກໍ່ການຮ້າຍ ແລະ ໂຈນສະຫລັດ, ເພີ່ມທະວີການຮ່ວມມືກັບບັນດາປະເທດໃນພາກພື້ນ.