ຫວຽດນາມເຂົ້າຮ່ວມການປຶກສາຫາລືທີ່ວາລະປະຊຸມຫົວເລື່ອງສະເພາະຂອງສະພາສິດທິມະນຸດຊຸດທີ27
ກອງປະຊຸມຂອງສະພາສິດທິມະນຸດ ສປຊ
(ພາບ: ສຳນັກຂ່າວສານ ຊິນຮວາ-TTXVN)
(vovworld) - ວັນທີ 9/9, ສະພາສິດທິມະນຸດ ສະຫະປະຊາຊາດ ຢູ່ສະວິດ, ໄດ້ຈັດຕັ້ງວາລະປຶກສາຫາລືຫົວເລື່ອງສະເພາະ ກ່ຽວກັບການສຶກສາປະຫວັດສາດ ແລະ ວິວັດການອາໄລຫາ, ເພື່ອແນໃສ່ປຶກສາຫາລື ແລະ ແບ່ງປັນບົດຮຽນກ່ຽວກັບວິວັດການສິດສອນປະຫວັດສາດ ແລະ ອາໄລຫາ. ທ່ານເອກອັກຄະລັດຖະທູດ ຫງວຽນຈູງແທ່ງ, ຫົວໜ້າຄະນະປະຕິບັດງານ ຫວຽດນາມ ປະຈຳ ສປຊ, ອົງການການຄ້າໂລກ ແລະ ບັນດາອົງການສາກົນອື່ນໆ ຢູ່ສະວິດ, ມີບົດກ່າວຄຳເຫັນແບ່ງປັນທັດສະນະກ່ຽວກັບສິດຂອງເດັກ ໃນການພັດທະນາທັດສະນະຢ່າງຖືກຕ້ອງ, ພາວະວິໄສກ່ຽວກັບປະຫວັດສາດຜ່ານການສຶກສາ, ບັນດາປະເທດຄວນເຄົາລົບບັນດາຫຼັກການສຳພັດຮອບດ້ານກ່ຽວກັບການສຶກສາປະຫວັດສາດ, ຮັບປະກັນຄວາມເຂົ້າໃຈກ່ຽວກັບບັນດາການທ້າທາຍ ແລະ ກາລະໂອກາດເພື່ອມຸ່ງໄປເຖິງໂລກແຫ່ງດີງາມກ່ວາ. ທ່ານເອກອັກຄະລັດຖະທູດ ຫງວຽນຈູງແທ່ງ ເນັ້ນໜັກວ່າ: ຫວຽດນາມ ຖືວ່າ: ໃນຕະຫຼອດໄລຍະປະຫວັດແຫ່ງການຕໍ່ສູ້ຍາດເອົາເອກະລາດແຫ່ງຊາດ ແລະ ສ້າງສາປະເທດຊາດ, ປະຊາຊົນ ຫວຽດນາມ ຍາມໃດກໍ່ເຄົາລົບຄຸນຄ່າທີ່ສັກກະລະບູຊາຂອງບັນດາສິດທິມະນຸດ, ພິເສດແມ່ນສິດຕັດສິນຂອງຊາດ, ສິດໄດ້ດຳລົງຊີວິດສັນຕິພາບ, ວັດທະນາຖາວອນ ແລະ ປອງດອງລະຫວ່າງຊົນຊາດຕ່າງໆ. ຫວຽດນາມ ຖືວ່າ, ການປະຕິບັດບັນດາສິດທິມະນຸດສັງລວມຕິດພັນກັບສະພາບແວດລ້ອມປະຫວັດສາດ, ວັດທະນະທຳ ແລະ ມູນເຊື້ອ, ແລະ ບັນດາເງື່ອນໄຂພັດທະນາເສດຖະກິດ - ສັງຄົມລະອຽດຂອງປະເທດຊາດ. ໃນໂລກນັບມື້ນັບອຸດົມສົມບູນ, ຕ້ອງສົມທົບກັນຢ່າງປອງດອງລະຫວ່າງບັນດາມາດຖານ ແລະ ຫຼັກການລວມຂອງກົດໝາຍສາກົນ ແລະ ປະຫວັດສາດ, ການເມືອງ, ເສດຖະກິດ, ວັດທະນະທຳ, ສັງຄົມ, ສາສະໜາ ແລະ ບັນດາຄຸນຄ່າເຫຼື້ອມໃສ, ຮີດຄອງປະເພນີຂອງແຕ່ລະປະເທດ ແລະ ພາກພື້ນ.