ຜູ້ວ່າການທະນາຄານແຫ່ງລັດ ຫວຽດນາມ ຫງວຽນວັນບີ່ງ
(ພາບ: Tiến Hưng/Vietnam+)
|
(vovworld) - ວັນທີ 29/6, ຢູ່ຫໍສະພາປະຊາຊົນແຫ່ງຊາດຈີນ, ທີ່ນະຄອນຫຼວງ ປັກກິງ, ປະເທດຈີນ, ຜູ້ວ່າການທະນາຄານແຫ່ງລັດ ຫວຽດນາມ ຫງວຽນວັນບີ່ງ, ຕາງໜ້າໃຫ້ ຫວຽດນາມ ພ້ອມກັບບັນດາປະເທດສະມາຊິກກໍ່ຕັ້ງອື່ນໆ ໄດ້ເຊັນລະບຽບການເຄື່ອນໄຫວຂອງທະນາຄານລົງທຶນພື້ນຖານໂຄງລ່າງ ອາຊີ. ທະນາຄານລົງທຶນພື້ນຖານໂຄງລ່າງ ອາຊີ (AIIB) ໄດ້ຮັບການສ້າງຕັ້ງຈະແມ່ນອົງການການເງິນຫຼາຍຝ່າຍ, ສຳນັກງານໃຫຍ່ຈະຕັ້ງຢູ່ປັກກິງ ແລະ ມີເງິນຈົດທະບຽນແມ່ນ 100 ຕື້ USD. ຈຸດໝາຍໃນການເຄື່ອນໄຫວຂອງທະນາຄານລົງທຶນພື້ນຖານໂຄງລ່າງ ອາຊີ ແມ່ນຊຸກຍູ້ການພັດທະນາເສດຖະກິດແບບຍືນຍົງ ຜ່ານການລົງທຶນພື້ນຖານໂຄງລ່າງຢູ່ພາກພື້ນ, ສຸມໃສ່ເຂົ້າໃນບັນດາໂຄງການໃນຂົງເຂດ: ຄົມມະນາຄົມ, ພະລັງງານ, ໂທລະຄົມມະນາຄົມ, ກະສິກຳ, ສິ່ງແວດລ້ອມ, ການພັດທະນາຕົວເມືອງ…
ປະຈຸບັນ, ທະນາຄານລົງທຶນພື້ນຖານໂຄງລ່າງອາຊີ ມີ 57 ປະເທດສະມາຊິກກໍ່ຕັ້ງ, ຄາດວ່າຈະເລີ່ມເຄື່ອນໄຫວຢ່າງເປັນທາງການນັບແຕ່ທ້າຍປີນີ້.