(vovworld) - ສະຖານກົງສູນໃຫຍ່ຫວຽດນາມ ປະຈຳນະຄອນ Vladivostolk, ສະຫະພັນລັດເຊຍ ຫາກໍເຂົ້າຮ່ວມເຫດການຕ່າງໆ ເຊິ່ງນອນໃນຂອບເຂດງານວາງສະແດງທ່ອງທ່ຽວສາກົນປາຊີຟິກ (PITE 2016) ເຊິ່ງໄດ້ຈັດຕັ້ງຂຶ້ນຢູ່ມະຫາວິທະຍາໄລສັງລວມສະຫະພັນຕາເວັນອອກໄກ. PITE 2016 ແມ່ນງານວາງສະແດງວັດທະນະທຳ, ການທ່ອງທ່ຽວບັນດາຂອງປະເທດໃນພາກພື້ນອາຊີ - ປາຊີຟິກ; ຊ່ວຍແລກປ່ຽນຂໍ້ມູນຂ່າວສານດ້ານການທ່ອງທ່ຽວ, ສ້າງບັນດາລາຍການທ່ອງທ່ຽວລວມ ແລະ ດຶງດູດນັກທ່ອງທ່ຽວຈາກຫຼາຍຝ່າຍສົ້ນລະຫວ່າງບັນດາບໍລິສັດທ່ອງທ່ຽວຂອງລັດເຊຍ ແລະ ບັນດາປະເທດເຂົ້າຮ່ວມໃຫ້ຫຼາຍຂຶ້ນ. ຄາດຄະເນວ່າ, ຈະມີ 30.000 ຄົນເຂົ້າຮ່ວມເຫດການນີ້, ຫວຽດນາມ ມີຮ້ານວາງສະແດງ 4 ຮ້ານ. ກ່າວຄຳເຫັນທີ່ງານວາງສະແດງ, ທ່ານຫົວໜ້າສະຖານກົງສູງໃຫຍ່ຫວຽດນາມ ຮີນມິງຈິ໋ງ ໄດ້ຕີລາຄາສູງງານວາງສະແດງ PITE 2016 ເວົ້າສະເພາະ ແລະ ຄວາມສຳຄັນຂອງການທ່ອງທ່ຽວສຳລັບການພັດທະນາເສດຖະກິດ - ສັງຄົມຂອງພາກພື້ນຕາເວັນອອກໄກເວົ້າລວມ. ໃນງານວາງສະແດງຄັ້ງນີ້, ການເປີດສາຍການບິນໂດຍກົງຈາກ Vladivostolk ເຖິງຫວຽດນາມ ກໍແມ່ນຈຸດພົ້ນເດັ່ນໃນການພັດທະນາການທ່ອງທ່ຽວ ແລະ ການຄ້າລະຫວ່າງຫວຽດນາມ ແລະ Vladivostolk.