ຫວຽດນາມເຂົ້າຮ່ວມສົນທິ ສັນຍາຕ້ານການທໍລະມານ ຮັບປະກັນສິດທິມະນຸດ
ທ່ານເອກອັກຄະລັດຖະທູດເລຮ່ວາຍຈຸງ ແລະ
ທ່ານເລຂາທິການໃຫ່ຍ ສປຊ ບານກີມູນ
(ພາບ: TTXVN)
(vovworld)- ວັນທີ 7/11, ຢູ່ສຳນັກງານໃຫ່ຍຂອງ ສປຊ ຢູ່ນະຄອນນິວຢອກ ປະເທດອາເມລິກາ, ທ່ານເລຮ່ວາຍຈຸງ, ເອກອັກຄະລັດຖະທູດ, ຫົວໜ້າຄະນະຜູ້ຕ່າງໜ້າຫວຽດນາມ ປະຈຳ ສປຊ ຕາງໜ້າໃຫ້ລັດຖະບານຫວຽດນາມ ລົງນາມໃນ “ສົນທິສັນຍາຂອງ ສປຊ ກ່ຽວກັບການຕ້ານການທໍລະມານ“. ນີ້ແມ່ນເອກະສານສຳຄັນກ່ຽວກັບສິດທະມະນຸດ ເພື່ອແນໃສ່ສະກັດກັ້ນບັນດາການກະທຳທໍລະມານ ພ້ອມທັງເພີ່ມທະວີວຽກງານຖະແຫຼງຂ່າວ, ໂຄສະນາເພື່ອຍົກສູງຄວາມຮັບຮູ້, ຊຸກຍູ້ການສ້າງບັນດາກົນໄກປົກປ້ອງຜູ້ປະສົບເຄາະຮ້າຍ ແລະ ເພີ່ມທະວີການຮ່ວມມືສາກົນໃນຂົງເຂດນີ້.
ກ່າວຄຳເຫັນຫຼັງພິທີລົງນາມ, ທ່ານເອກອັກຄະລັດຖະທູດເລຮ່ວາຍຈຸງ ເນັ້ນຫນັກວ່າ: ເລື່ອງລົງນາມໃນສົນທິສັນຍາດັ່ງກ່າວແມ່ນບາດກ້າວເດີນລະອຽດໃນວິວັດການເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນຂອງຫວຽດນາມ./.