ຫວຽດນາມເຂົ້າຮ່ວມເວທີປາໄສການຄ້າຕ່າງປະເທດອາຊີ-ປາຊີຟິກຢູ່ເມັກຊີໂກ
ທ່ານເອກອັກຄະລັດຖະທູດ ເລລິງລານ
(ພາບປະກອບ: vietnamplus.vn)
(vovworld) - ຊຸມມືຜ່ານມາ, ຢູ່ລັດ Queretaro, ປະເທດເມັກຊີໂກ, ທ່ານເອກອັກຄະລັດຖະທູດຫວຽດນາມ ປະຈຳເມັກຊີໂກ ເລລິງລານ ພ້ອມກັບຜູ້ຕາງໜ້າບັນດາປະເທດອິນເດຍ, ຟິລິບປີນ, ຈີນ, ອົດສຕາລີ… ໄດ້ເຂົ້າຮ່ວມເວທີປາໄສການຄ້າຕ່າງປະເທດອາຊີ-ປາຊີຟິກ ແລະ ພົບປະແລກປ່ຽນກັບບັນດາວິສາຫະກິດປະເທດເມັກຊີໂກ. ທີ່ເວທີປາໄສ, ທ່ານເອກອັກຄະລັດຖະທູດ ເລລິງລານ ໄດ້ສະເໜີບົດທາບທາມຄວາມເຫັນດ້ວຍຫົວຂໍ້ “ຫັນເຂດເປັນຕະຫຼາດ, ປັດໃຈພັດທະນາເສດຖະກິດສາກົນ”, ໃນນັ້ນໄດ້ເນັ້ນໜັກເຖິງ 2 ກຸ່ມເສດຖະກິດທີ່ກ່ຽວຂ້ອງເຖິງຫວຽດນາມ ແມ່ນອາຊຽນ ແລະ ສັນຍາຄູ່ຮ່ວມມືຂ້າມປາຊີຟິກ (TPP). ທ່ານເອກອັກຄະລັດຖະທູດ ເລລິງລານ ໃຫ້ຮູ້ວ່າ, ປະຈຸບັນ ຫວຽດນາມ ແລະ ເມັກຊີໂກ ພວມເຈລະຈາບັນດາບົດບັນທຶກຊ່ວຍຈຳກ່ຽວກັບການຮ່ວມມືດ້ານການຄ້າ ແລະ ອຸດສາຫະກຳ, ຮ່ວມມືໃນຂົງເຂດກວດກາໂລກລະບາດ, ສັດ ແລະ ລ້ຽງປູກສິນໃນນ້ຳ.