(vovworld) – ຕອນເຊົ້າວັນທີ 15/7, ສະພາປະຊາຊົນແຂວງ ຮ່ານາມ ໄດ້ໄຂກອງປະຊຸມຄັ້ງທີ 9, ຊຸດທີ 17. ຂຶ້ນໃນ 3 ວັນດຳເນີນກອງປະຊຸມ, ບັນດາຜູ້ແທນສຸມໃສ່ຕີລາຄາສະພາບການພັດທະນາເສດຖະກິດຂອງ 6 ເດືອນຕົ້ນປີ ແລະ ທິດທາງໜ້າທີ່ 6 ເດືອນທ້າຍປີ 2014, ຮັບຟັງການຜັນແປຢູ່ທະເລຕາເວັນອອກ, ກໍ່ຄືລາຍງານສະຫລຸບໝາກຜົນແຫ່ງການແກ້ໄຂ, ຂໍ້ສະເໜີແນະຂອງຜູ້ມີສິດເລືອກຕັ້ງ. ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮູ່ງ ຖືວ່າ: ແຂວງ ຮ່ານາມ ຄວນຍົກອອກບັນດາມາດຕະການພັດທະນາເສດຖະກິດ, ຮັບປະກັນຄວາມສະຫງົບ, ການເມືອງ, ຫຼີກລ້ຽງບໍ່ປະໃຫ້ເກີດການຜັນແປໃນສະພາບການໃໝ່. ເມື່ອເຕື້ອງເຖິງການປະຕິບັດລັດຖະທຳມະນູນ, ທ່ານ ຫງວຽນຊິງຮູ່ງ ສະເໜີໃຫ້ແຂວງ ຮ່ານາມ ສືບຕໍ່ໂຄສະນາເຜີຍແຜ່ ແລະ ຜັນຂະຫຍາຍເພື່ອໃຫ້ລັດຖະທຳມະນູນເຂົ້າສູ່ຊີວິດຕົວຈິງ...
ກ່ຽວກັບສະພາບການຢູ່ທະເລຕາເວັນອອກ, ສູນການຜັນແປສັບສົນ, ບໍ່ສາມາດຄາດຄະເນໄວ້ລ່ວງໜ້າ ຍ້ອນ ຈີນ ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ, ນາບຂູ່ອະທິປະໄຕ, ຄວາມສະຫງົບຂອງປະເທດຊາດ, ທ່ານປະທານສະພາແຫ່ງຊາດ ຫງວຽນຊິງຮູ່ງ ຊີ້ແຈ້ງວ່າ: ສະພາແຫ່ງຊາດ ໄດ້ຕັດສິນຫຼາຍແຜນນະໂຍບາຍ, ມາດຕະການສຳຄັນ ແລະ ຮຽກຮ້ອງໃຫ້ລັດຖະບານ, ທຸກຂະແໜງການ, ທຸກຂັ້ນ ຜ່ານຜ່າການທ້າທາຍ, ສາມັກຄີ, ເປັນເອກະພາບກັນ, ພ້ອມກັບຖັນແຖວນັກທຸລະກິດ ແລະ ພໍ່ແມ່ປະຊາຊົນ, ນັກຮົບໃນທົ່ວປະເທດເສີມຂະຫຍາຍກຳລັງແຮງພາຍໃນ, ຍາດແຍ່ງການໜູນຊ່ວຍ, ສາມັກຄີສາກົນຢ່າງມີປະສິດທິຜົນ, ສືບຕໍ່ຮັກສາເສດຖະກິດມະຫາພາກ, ຟື້ນຟູທ່າເຕີບໂຕໃຫ້ໜັກແໜ້ນ. ທ່ານປະທານສະພາແຫ່ງຊາດ ຫງວຽນຊິງຮູ່ງ, ເນັ້ນໜັກວ່າ:
“ພວກເຮົາບໍ່ທໍ້ຖອນໃຈຕໍ່ໜ້າຄວາມຮຽກຮ້ອງຕ້ອງການປົກປັກຮັກສາເອກະລາດ, ອະທິປະໄຕທີ່ສັກກະລະບູຊາຂອງປະເທດຊາດ. ປະເທດ ຫວຽດນາມ ມີປະຫວັດສາດນັບພັນປີ, ໄດ້ຕີເອົາຊະນະສັດຕູຜູ້ຮຸກຮານທຸກໂຕ. ພວກເຮົາບໍ່ຢ້ານກົວ, ບໍ່ປະໃຫ້ສະພາບການເກີນຂອບເຂດ, ຖືກຕົກຢູ່ທ່າຮັບ ເຮັດໃຫ້ພວກເຮົາເສຍສະຕິລະວັງຕົວ.”