ທ່ານນາງອັກຄະລັດຖະທູດ ເລທິມິງທວາ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ (ພາບ: VOV)

ໃນລະຫວ່າງວັນທີ 5 – 9 ມິຖຸນາ, ຢູ່ສຳນັກງານ ສປຊ ຢູ່ນິວຢອກ (ອາເມລິກາ), ກອງປະຊຸມຄັ້ງທີ 4 ຂອງກຸ່ມປະຕິບັດງານກ່ຽວກັບການສ້າງຂອບເຂດທົ່ວໂລກກ່ຽວກັບການຄຸ້ມຄອງລູກປຶນ (ກຸ່ມປະຕິບັດງານ) ຂອງ ສປຊໄດ້ດຳເນີນດ້ວຍການເຂົ້າຮ່ວມຂອງຜູ້ຕາງໜ້າ 193 ປະເທດສະມາຊິກ ສປຊ ແລະ ຫຼາຍອົງການຈັດຕັ້ງສາກົນທີ່ກ່ຽວຂ້ອງ.

ກ່າວຄຳເຫັນທີ່ກອງປະຊຸມ, ທ່ານນາງອັກຄະລັດຖະທູດ ເລທິມິງທວາ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ຖືວ່າ: ເພື່ອຂອບເຂດທົ່ວໂລກບັນລຸປະສິດທິຜົນ, ບັນດາຂອບເຂດກ່ຽວກັບການຄຸ້ມຄອງອາວຸດທີ່ໄດ້ຮັບການຮັບຮອງເອົາຕ້ອງສອດຄ່ອງ ກັບບັນດາຫຼັກການພື້ນຖານຂອງກົດໝາຍສາກົນ ແລະ ກົດບັດ ສປຊ ກໍ່ຄືຮັບປະກັນບັນດາສິດ ແລະ ຜົນປະໂຫຍດອັນຊອບທຳຂອງ ບັນດາປະເທດໃນການຜະລິດ, ກຳມະສິດ, ຊື້ ແລະ ມອບສົ່ງອາວຸດ ແລະ ລູກປຶນ ເພື່ອເປົ້າໝາຍປ້ອງກັນຊາດ, ປ້ອງກັນຄວາມສະຫງົບ. ໃນວິວັດການນີ້, ການໜູນຊ່ວຍ ແລະ ຮ່ວມມືກັບບັນດາປະເທດພວມພັດທະນາໃນການສ້າງຄວາມສາມາດບົ່ມຊ້ອນ, ການຖ່າຍທອດເຕັກໂນໂລຢີ ແລະ ໜູນຊ່ວຍແຫຼ່ງກຳລັງ ມີບົດບາດສຳຄັນທີ່ສຸດໃນການຮັບປະກັນການຄຸ້ມຄອງອາວຸດຢ່າງປອດໄພ.